Na rynku ŭ Skidali betonnaja plita ŭpała na pensijanerak
Adna z žančyn atrymała čerapna-mazhavuju traŭmu, inšaja zahinuła na miescy.
Dva čałavieki paciarpieli na rynku ŭ horadzie Skidal Haradzienskaj vobłaści ad padzieńnia betonnaha płotu. Plita, jakaja vykarystoŭvałasia jak aharodža, prycisnuła dvuch žančyn-piensijanierak. Adna ź ich atrymała čerapna-mazhavuju traŭmu, inšaja zahinuła na miescy.
V. a. abaviazki staršyni Skidalskaha rajspažyŭsajuzu Dźmitryj Taraščyk raspavioŭ, što abrušeńnie plity adbyłosia ad udaru lehkavika. Kiroŭca Renault pryparkavaŭ mašynu za niekalki metraŭ ad aharodžy i pajšoŭ pa pakupki. Pavodle słovaŭ sp. Taraščyka, aŭtamabil pakaciŭsia pad uchił i ŭdaryŭsia u styk pamiž betonnymi plitami. Ad šturška adna ź plitaŭ upała.
Jak śćviardžajuć miascovyja žychary, hetaja častka aharodžy, pabudavanaj na rynku z Skidali niekalki hadoŭ nazad, padaje ŭžo nie ŭpieršyniu. U apošni raz plita abvaliłasia ŭ minułym hodzie, ale tady nichto nie paciarpieŭ.
Ciapier pa fakcie hibieli čałavieka raspačataja kryminalnaja sprava. Raśśledavańnie pravodzić milicyja i słužba DAI.
Kamientary