Jon napisaŭ knihu «Dom» pra adnoŭleny pałac u Naroŭli.
«Ja napisaŭ knihu pra naraŭlanski pałac. Jana nazyvajecca «Dom». Kniha pisałasia ŭ roznyja hady, pačynajučy z 2021-ha. Niekalki razoŭ ja pieraryvaŭ pracu nad joj, dumajučy, što jašče nie hatovy raskazać hetu historyju — svaju i doma. Ci prosta nie chacieŭ stavić kropku. A potym pastaviŭ. «Dom» — heta nie tolki tekst, ale i pryhožaja reč. Ja staraŭsia zrabić takuju knihu, jakuju chaciełasia b zachoŭvać», — napisaŭ Andruś Horvat u fejsbuku.
Jon kaža, što prezientacyi, tvorčych sustreč i intervju nie budzie. Adnak na nastupnym tydni praviazie knihu ŭ Vilniu, Biełastok, Varšavu, Hdańsk i Poznań.
«Usia infarmacyja pra knihu (i ŭryvak ź jaje) jość na sajcie. Heta adzinaje miesca, dzie možna nabyć «Dom». Jak heta zrabić ź Biełarusi, pakul što ja nie maju adkazu. Ale adkaz budzie», — dadaŭ jon.
Andruś Horvat — biełaruski piśmieńnik, aŭtar knih «Radziva «Prudok» i «Premjera».
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary
ja ŭbačyŭ dom.
Heta adbyłosia niečakana. Dom paŭstaŭ niadkul, vyjšaŭ sa zmroku ŭvieś adrazu i tut ža zaniaŭ saboj usio.
Źniaviečany časam i ludźmi, jon tuliŭsia na bierazie Prypiaci, jak vialiki stary sabaka, jaki kaliści byŭ parodzisty, pryhožy i lubimy, ale potym byŭ kinuty, za mnohija hady straciŭ nadzieju i davier i ciapier prosta čakaŭ śmierci tam, dzie ŭ apošni raz bačyŭ svajho haspadara".
(Andruś Horvat. Dom.)
Vielmi lublu žanr mahičnaha realizmu japonskich piśmieńnikaŭ.
Vydatna, što ŭ nas pajaviŭsia svoj biełaruski aŭtar, jaki piša ŭ takim žanry.
Heta prosta cud i asałoda.
Ty chodziš pamiž zvyčajnych rečaŭ i raptam usio navokał mahična mianiajecca, zvykłaje viadzie siabie niazvykła, ty imhnienna pieranosiśsia ŭ inšyja časy, vandruješ pamiž roznymi epochami, jakija adnačasova pieraplatajucca pryčudlivymi karunkami.
Dziakuj vialiki, darahi piśmieńnik Andruś Horvat! Za pryhožuju mahična-realistyčna-histaryčnuju knihu!
Jana adnaznačna papoŭnić skarbonku našaj biełaruskaj kultury.