Łukašenka zapatrabavaŭ aktyvizavać rabotu pa raźvićciu supracoŭnictva z krainami roznych rehijonaŭ śvietu. Pra heta kiraŭnik dziaržavy zajaviŭ siońnia na naradzie pa vynikach aficyjnych vizitaŭ u Vieniesuełu i Braziliju.
Havoračy ab pośpiechach u raźvićci adnosin ź Vieniesuełaj, Alaksandr Łukašenka nazvaŭ heta pakazalnym prykładam. «Adnak uźnikaje rezonnaje pytańnie, čamu my čakali i nie pačali pracavać ź Vieniesuełaj raniej?
Čamu da hetaha času nie vychodzim na inšyja dziaržavy hetaha rehijonu, dzie nas čakajuć?»
— zadaŭsia pytańniami kiraŭnik dziaržavy.
Na jaho dumku, vyvad prosty — niedapuščalnaja pasiŭnaść. «Tamu ciapier nam treba razhortvacca i aryjentavacca jak maha chutčej i efiektyŭniej», — skazaŭ prezident.
Alaksandr Łukašenka papiaredziŭ, što nie pacierpić nijakich narakańniaŭ na jakaść biełaruskaj pradukcyi, nazvaŭšy heta pytańniem prestyžu krainy. Va ŭstanoŭlenyja terminy i pry vysokaj jakaści pavinny realizoŭvacca i ŭsie sumiesnyja prajekty.
Razam z tym prezident źviarnuŭ uvahu, što na Vieniesuele Łacinskaja Amieryka nie zakančvajecca i treba iści dalej, u hłyb kantynienta, asvojvać novyja pierśpiektyŭnyja rynki.
U pryvatnaści, heta datyčycca Brazilii.
Alaksandr Łukašenka adznačyŭ jaŭnyja niedapracoŭki ŭ naładžvańni ŭzajemavyhadnaha supracoŭnictva z hetaj krainaj. «Zabiaśpiečyli ekspart dvuma‑tryma vysokalikvidnymi tavarami i supakoilisia. Kalijem i šynami možna handlavać, nie vyjazdžajučy za miežy MKAD», — zaŭvažyŭ kiraŭnik dziaržavy. Pra niedapracoŭki ŭ hetym płanie śviedčyć i adsutnaść u Brazilii paŭnacennaha pradstaŭnictva, biez čaho niemahčyma raźvivać maštabnyja adnosiny. A dzie byli ŭrady i MZS usie hetyja hady? «Ja nie baču tałkovych prapanoŭ pa raźvićciu brazilskaha viektara źniešniaj palityki», — skazaŭ Prezident, nazvaŭšy paradaksalnaj situacyju, pry jakoj u Biełarusi jość pasolstva ŭ takoj paraŭnalna nievialikaj pa pamierach krainie, jak Kuba, u Arhiencinie, ź jakoj u nas maleńki handlovy abarot, a ŭ Brazilii dyppradstaŭnictva adsutničaje.
Kiraŭnik dziaržavy padkreśliŭ nieabchodnaść bolš aktyŭna prasoŭvać biełaruskija tavary ŭ rehijonach Brazilii. Naprykład, u štacie Hajas nie chapaje sielskahaspadarčaj techniki, pierš za ŭsio traktaroŭ. Adnak u hetym napramku doŭhija hady da vizitu prezidenta ničoha nie rabiłasia.
Zychodziačy ź isnujučaj situacyi, Alaksandr Łukašenka zapatrabavaŭ vielmi surjozna praanalizavać usie mahčymyja napramki supracoŭnictva z Brazilijaj, vypracavać kankretnyja i efiektyŭnyja padychody da realizacyi namiečanych płanaŭ. «Nie zamacujemsia my na hetym rynku siońnia, zaŭtra ž našy kankurenty vykinuć nas, ničoha nie pakinuć ad našych prajektaŭ i nijakich pierśpiektyŭ.
Treba prosta zakasać rukavy i pačać pracavać pa‑sapraŭdnamu, jak my pačynali ŭ Vieniesuele», — zaklikaŭ prezident.
Zakranajučy supracoŭnictva z takimi krainami, jak Brazilija i Arhiencina, kiraŭnik dziaržavy adznačyŭ, što tam treba «začapicca pa 3‑4 napramkach, patrebnych dla hetych dziaržaŭ», kab nie zhubicca na hetych vialikich prastorach. Treba raźvivać supracoŭnictva i ź inšymi dziaržavami rehijonu, takimi jak Kuba, Balivija, Nikarahua, vykarystoŭvajučy pry hetym rynak Vieniesueły.
Takoha ž padychodu, na dumku Alaksandra Łukašenki, nieabchodna prytrymlivacca i ŭ raźvićci kantaktaŭ
z krainami Paŭdniova‑Uschodniaj Azii, apirajučysia na ŭžo isnujučyja dobryja adnosiny z Vjetnamam i Kitajem.
Asobnaj uvahi patrabuje pytańnie pašyreńnia supracoŭnictva ź Indyjaj, uzajemavyhadnymi pavinny stać kantakty z krainami Piersidskaha zaliva. Kiraŭnik dziaržavy zakranuŭ u tym liku temu raźvićcia adnosin z afrykanskimi krainami: «Ja ŭžo ab hetym nie raz havaryŭ uradu i MZS: u nas zusim čužaja nieviadomaja Afryka».
Na dumku kiraŭnika dziaržava, raźvićcio supracoŭnictva z afrykanskimi krainami vielmi pierśpiektyŭnaje dla Biełarusi».
