Maładoha vypusknika Akademii MUS asudzili pa redkim artykule — za «parušeńnie achovy dziaržaŭnych sakretaŭ»
Imia Antona Tabašnikava źjaviłasia ŭ śpisie «ekstremistaŭ». Jamu mahło pahražać da troch hadoŭ kałonii.
Antonu Tabašnikavu 28 hadoŭ. Rodam jon ź Pinska. U 2014 pastupiŭ u Akademiju MUS. Tabašnikaŭ vučyŭsia pa śpiecyjalnaści «pravaznaŭstva» na kafiedry administratyŭnaj dziejnaści orhanaŭ unutranych spraŭ fakulteta milicyi.
U intervju haziecie «Na stražie» jon kazaŭ, što išoŭ u VNU metanakiravana, kab stać vajennym jurystam. Pry pastupleńni jon nabraŭ bolš za 300 bałaŭ, vučyŭsia na dziaviatki, zajmaŭsia sportam, pisaŭ dla milicejskich haziet i ŭdzielničaŭ u kanfierencyjach. Anton kazaŭ, što budzie prachodzić raźmierkavańnie ŭ jurydyčnym adździaleńni adnoj z vajskovych čaściej.
Nieviadoma, što było dalej — chłopiec zusim nie viadzie sacsietki. Ale Tabašnikaŭ paralelna, u 2022, skončyŭ Instytut biznesu BDU pa śpiecyjalnaści «biznes-administravańnie».
Apošni raz jon byŭ anłajn na svajoj pustoj staroncy «Ukantakcie» 31 lipienia 2024 hoda. U telehramie Anton nie anłajn «vielmi daŭno» — minimum niekalki miesiacaŭ.
Data suda i sutnaść spravy nieviadomyja, ale abvinavačańnie hučyć tak — «parušeńnie patrabavańniaŭ pa achovie dziaržaŭnych sakretaŭ» (artykuł 375-2 Kryminalnaha kodeksa).
Naprykład, pa takim artykule mohuć asudzić, kali čałaviek vyjechaŭ za miažu, ale nie paviedamiŭ pra heta zahadzia i «niezakonna pieramiaściŭ» dziaržaŭnyja sakrety, nośbitam jakich jon źjaŭlajecca, za miažu.
Pakolki pa artykule nie tak šmat sudovaj praktyki i mała kankretyki, ciažka skazać, što mienavita zrabiŭ Tabašnikaŭ. Miarkujučy pa statusie «adbyvaje pakarańnie» i poŭnaj nieaktyŭnaści ŭ sacsietkach, jon atrymaŭ pakarańnie, źviazanaje z pazbaŭleńniem voli.
«Naša Niva» — bastyjon biełaruščyny
PADTRYMAĆCiapier čytajuć
Što viadoma pra eks-aficera Słužby biaśpieki Łukašenki Andreja Spasava, jakoha pasadzili za palityku1
Kamientary
on učiłsia na vojennoho jurista na fakultietie milicii miliciejskoj akadiemii.