Jemienskija chusity, jakija padtrymlivajucca Iranam, upieršyniu aficyjna zajavili pra kaardynacyju rakietnaj ataki na Izrail razam ź iranskaj armijaj, piša Reuters.
U niadzielu hrupoŭka chusitaŭ ź Jemiena abviaściła, što naniesła balistyčnyja rakietnyja ŭdary pa centralnaj častcy Izraila ŭ ciesnaj kaardynacyi ź Iranam. Heta pieršy vypadak, kali prairanskaja siła adkryta paćvierdziła sumiesnuju vajennuju apieracyju z Tehieranam.
Pradstaŭnik chusitaŭ Jachja Sarea vystupiŭ z televizijnaj zajavaj, u jakoj adznačyŭ, što apieracyja była nakiravanaja na «pieramohu pryhniečanych palestynskaha i iranskaha narodaŭ». Pavodle jaho, ataki skaardynavany ź dziejańniami iranskaj armii suprać Izraila.
Izrailskija vajskoŭcy paćvierdzili, što sihnały pavietranaj tryvohi prahučali ŭ niekalkich rajonach krainy paśla rakietnych zapuskaŭ z boku Irana i Jemiena.
Z pačatku vajny pamiž Izrailem i CHAMAS 7 kastryčnika 2023 hoda chusity rehularna abstrelvajuć izrailskija abjekty ŭ padtrymku Palestyny. Bolšaść ich rakiet i dronaŭ pierachoplivajucca.
Kanflikt pamiž Iranam i Izrailem praciahvaje eskaliravacca z momantu, kali ŭ piatnicu Izrail nanios biesprecedentny ŭdar pa terytoryi Irana z metaj razburyć iranskuju jadziernuju prahramu.
Tramp prahraziŭ Iranu atakaj «na ŭzroŭni, jaki nikoli raniej nie bačyli», kali toj napadzie na ZŠA
Iranskija rakietnyja ŭdary pa Izraili zabili jak minimum vosiem čałaviek, siarod ich dzieci
Izrail nanosić udary pa Iranie i Jemienie
Častka iranskich rakiet iznoŭ prabiła «Žalezny ščyt» Izraila, padali na žyłyja damy
Ciapier čytajuć
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ1
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary