Pavodle źviestak analityčnaha centra Realt.by, za tydzień, z 29 sakavika pa 5 krasavika, siaredniaja cana prapanovy kvadratnaha mietra kvater na druhasnym rynku žylla ŭ Minsku pamienšyłasia na 0,62% i skłała 1.436 dalaraŭ. Źnižeńnie cen nazirajecca na praciahu piaci apošnich tydniaŭ.
Na 5 krasavika liderami pa vieličyni siarednich cen prapanovy kvater u Minsku źjaŭlajucca Centralny (1.687 dalaraŭ za kv. m) i Saviecki (1.568) rajony. Samyja nizkija ceny ŭ Zavadskim (1.300) i Maskoŭskim (1.377) rajonach. Za tydzień ceny na kvatery na 0,36% pavialičylisia ŭ Centralnym, na 0,14% — u Frunzienskim i Kastryčnickim rajonach. U astatnich rajonach stalicy ceny panizilisia ŭ miežach 0,15—3,24%, bolš za ŭsio — u Partyzanskim.
Siaredniaja cana prapanovy kvater na 5 krasavika pa pakojach (i źmianieńnie za tydzień) skłała: adnapakajovych — 1.516 dalaraŭ/kv.m (źnižeńnie na 0,59%), dvuchpakajovych — 1.439 dalaraŭ/kv.m (źnižeńnie na 0,21%), trochpakajovych — 1.377 dalara/kv.m (źnižeńnie na 0,86%), čatyrochpakajovych — 1.353 dalara/kv.m (źnižeńnie na 2,66%).
Lideram pa abjomie prapanovy druhasnaha žylla ŭ Minsku zastajecca Frunzienski rajon — 21%.
Mienš za ŭsio prapanoŭ u Partyzanskim rajonie — 5%. Adnapakajovych kvater prapanoŭvałasia 29%, dvuchpakajovych — 34%, trochpakajovych — 29%, čatyrochpakajovych — 8%.
Kvatery ŭ novabudoŭlach Minska prapanujucca pa kamiercyjnych cenach ad 700 da 3 tys. dalaraŭ za kvadratny mietr.
Siaredniaja cana prapanovy dolevaha budaŭnictva kvater i novabudoŭlaŭ u Minsku składaje 1.298 dalaraŭ/kv.m, što na 2% bolš, čym tydzień tamu, i na 4,4% bolš, čym u pačatku hoda.
Dla paraŭnańnia: pavodle ŭkrainskaha partała nieruchomaści Realt.ua,
siaredniaja cana na druhasnym rynku Kijeva za tydzień pavialičyłasia na 0,6% i skłała 2.222 dalara/kv.m.
Siaredniaja cana kvater na pieršasnym rynku Kijeva za hety pieryjad pamienšyłasia na 1,7% i składaje 1.761 dalar/kv.m.
Pavodle danych partała nieruchomaści irn.ru, siaredniaja cana na druhasnym rynku Maskvy za tydzień pavialičyłasia na 0,5% i na 5 krasavika składaje 4.279 dalara/kv.m.
