16-17 lipienia Haradok na Biełastoččynie ŭžo ŭ 21-y raz budzie prymać Fiestyval muzyki Maładoj Biełarusi «Basovišča», jaki niaźmienna ładzicca Biełaruskim abjadnańniem studentaŭ.
Jak zaznačaje staršynia arhanizacyi Kasia Kuźmič, u hetym hodzie arhanizatary sprabujuć skiravać festyval u bok raznastajnaści. Akramia muzyčnych vysupaŭ zapłanavanyja litaraturnyja sustrečy, pakaz filmaŭ Tamary Sałanievič, dy fotavystava maładoha tvorcy ź Biełastoččyny Paŭła Hresia.
Akramia taho arhanizatary «Basovišča» chočuć ušanavać pamiać biełaruskaj paetesy Łarysy Hienijuš, 100-hadovy jubilej jakoj adznačajuć biełarusy. «Prapanujem, kab kožny hurt, jaki zachoča vystupić u konkursnaj častcy, padrychtavaŭ adnu pieśniu na słovy Łarysy Hienijuš. Hetaja ideja ŭziałasia adtul, što ŭ hetym hodzie śviatkujem 100-hodździe vialikaj biełaruskaj paetesy Łarysy Hienijuš, i nam padumałasia, što jakraz takim konkursam možna było b addać joj pašanu, a hetym samym i pierakazać maładomu pakaleńniu tyja ideały, jakich u svaim žyćci trymałasia Łarysa Hienijuš» – adznačajuć arhanizatary.
Akramia taho arhanizatary havorać ab raznastajnaści źmiestu muzyčnych vystupaŭ, na «Basoviščy» ŭ hetym hodzie ŭ jakaści haściej buduć zaprašacca pradstaŭniki roznych kirunkaŭ biełaruskaj muzyki.
