Dačka Kačynskaha płakała, uzdoŭž darohi z aeradroma da Krakaŭskaha pradmieścia varšaviaki kryčali prezidentu «Bravo». Taksama tłumy śpiavali nacyjanalny himn «Ješče Polska nie zhineła».
Dačka i brat prezidenta Kačynskaha pierad trunoj.
Samalot z trunoj Lecha Kačynskaha prybyŭ u aeraport Akiencie. Tam adbyłasia karotkaja imša. Prysutničała ŭsio kiraŭnictva krainy i svajaki. Dačka Lecha Kačynskaha Marta płakała.
Žonku prezidenta, Maryju, dahetul nie apaznali.
Brat prezidenta Jarasłaŭ byŭ druhim, chto padyšoŭ da truny pamalicca. Pierad damavinaj jon uklenčyŭ.
Paśla žałobny kartež pajechaŭ vulicami Varšavy — horada, u jakim Kačynski byŭ meram, pierš čym stać prezidentam. Jon prajechaŭ Žvirki i Vihury, alei Jeruzalimskija, Maršałkoŭskuju i, narešcie, Krakaŭskaje pradmieście. Uzdoŭž usiaho šlachu stajali ludzi. Pad koły katafałka lacieli bukiety. Narod kryčaŭ prezidentu apošniaje «Bravo». Bili zvany kaściołaŭ.
Polskaja nacyja zhurtavałasia ŭ vialikim hory.
