Biełarusa, jaki napaŭ na Paŭła Łatušku, užo departavali z Polščy ŭ Biełaruś
33-hadovaha biełarusa Jaŭhiena Kazancava, jaki napaŭ na Paŭła Łatušku ŭ Varšavie, departavali na radzimu. Pra heta telekanału «Biełsat» paviedamili ŭ Akruhovaj prakuratury polskaj stalicy.
«U dačynieńni asobaŭ, jakija ździejśnili złačynstvy na terytoryi Polščy i majuć biełaruskaje hramadzianstva, u Pamiežnuju słužbu pieradajucca chadajnictvy nakont departacyi i nakładańnia zabarony na ŭjezd u Šenhienskuju zonu. Taki zachad byŭ pryniaty ŭ dačynieńni asoby, jakaja ździejśniła napad na kolišniaha ambasadara Biełarusi ŭ Polščy Paŭła Łatušku», — skazaŭ «Biełsatu» pres-sakratar Akruhovaj prakuratury Varšavy Piotr Antoni Skiba.
Jon udakładniŭ, što departacyja ŭ Biełaruś užo adbyłasia. «Biełsat» źviarnuŭsia ŭ Pamiežnuju achovu Polščy z prośbaju raskryć akaličnaści pracedury.
33-hadovaha Kazancava, studenta Varšaŭskaha ŭniviersitetu, abvinavacili ŭ paklopie i parušeńni cialesnaj niedatykalnaści.
2 lipienia padčas uračystaha schodu ŭ Centry ŭschodniejeŭrapiejskich daśledavańniaŭ Varšaŭskaha ŭniviersiteta ŭ prysutnaści aficyjnych asob Polščy i dypłamatyčnaha korpusu biełarus Jaŭhien Kazancaŭ napaŭ na namieśnika kiraŭnicy Abjadnanaha pierachodnaha kabinietu, staršyniu NAU Paŭła Łatušku. Złamyśnik kinuŭ u palityka śmietnicu i kryčaŭ, što toj «zdradnik i chacieŭ spalić apazicyjanieraŭ».
U prakuratury raniej paviedamlali, što napadnik pryznaŭ vinu, nazvaŭ svoj učynak nieabdumanym, skazaŭ, što jaho apanavali emocyi, što ciapier škaduje, i pieraprasiŭ za toje, što adbyłosia. Mužčynu aštrafavali na 6000 złotych (kala $1 500) i abaviazali kampiensavać sudovyja vydatki. Tady ž prakuratura pryniała pastanovu ab departacyi.
Adrazu paśla zatrymańnia Kazancaŭ raskazaŭ žurnalistu vydańnia Reform.news, što napaŭ na Łatušku, bo ŭ jaho skončyłasia viza, jon vyhareŭ i nie zdoleŭ abaranić navukovuju pracu. A napad, pavodle mužčyny, dazvolić jamu svabodna viarnucca ŭ Biełaruś.
Pravakatar, jaki nakinuŭsia na Łatušku, dniami kryčaŭ «Hańba!» i Paźniaku
Deputat Hajdukievič zaklikaŭ napadać na apazicyjanieraŭ za miažoj: Hety ŭčynak budzie zaličany pry viartańni
«Ty pabačyš i pačuješ. Heta budzie nie bomba, a bombišča». Ranicaj 2 lipienia Pavieł Łatuška atrymaŭ list ad asoby, jakaja pastajanna atakuje jaho
«Ty pabačyš i pačuješ. Heta budzie nie bomba, a bombišča». Ranicaj 2 lipienia Pavieł Łatuška atrymaŭ list ad asoby, jakaja pastajanna atakuje jaho
Pravakatar ź Biełarusi napaŭ na Paŭła Łatušku ŭ Varšavie
Kamientary