28-hadovy biełaruski lehijanier Valeryj Hramyka staŭ aŭtaram pieramožnaha hoła «Kajrata» z Ałmaty ŭ 2-m raŭndzie kvalifikacyi Lihi čempijonaŭ, paviedamlaje «Trybuna».
Kałaž: «Trybuna»
Tydzień tamu kazachstanski kłub prajhraŭ u pieršym matčy finskamu kłubu KuPS 0:2, i zdavałasia, što šancaŭ u jaho na vychad dalej niama. Ale siońnia jon razhramiŭ supiernika ź likam 3:0, i treci miač ałmacincaŭ zabiŭ Valeryj Hramyka.
Hoł Hramyki staŭ histaryčnym dla «Kajrata» — tak daloka ŭ Lizie čempijonaŭ hety kłub jašče nikoli nie dachodziŭ.
A jašče biełarus zabiaśpiečyŭ ałmacincam jeŭrakubkavuju vosień. Paśla hetaj pieramohi kazachi harantavali sabie hulni jak minimum u asnoŭnym etapie Lihi kanfierencyj.
Kamientary