Pavietranaja prastora Biełarusi zakryta dla palotaŭ z 4 tysiač mietraŭ i vyšej da 6 hadzin ranicy 18 krasavika. Pra heta paviedamiŭ načalnik upraŭleńnia dziaržaŭnaj inśpiekcyi pa biaśpiecy palotaŭ i avijacyjnaj biaśpiecy departamienta pa avijacyi Ministerstva transpartu i kamunikacyj Uładzimir Nahulevič.
«Na małoj vyšyni, da 4 tysiač mietraŭ, možna prylacieć. Vykonvajucca avijarejsy na Maskvu i Kalininhrad, a taksama pa Biełarusi», — skazaŭ pradstaŭnik Mintransu.
U Nacyjanalnym aeraporcie «Minsk» zajavili, što aeraport pracuje, vykonvajucca niekatoryja rejsy na ŭschodnim i paŭdniovym napramkach. «Siońnia vykanany rejsy na Maskvu, Churhadu, Łarnaku, mahčyma, budzie rejs na Baku», — paviedamili ŭ słužbie daviedki aeraporta.
Miž tym, jak paviedamlałasia, siońnia ŭ Minsk nie zmoh vylecieć samalot z Abu-Dabi, jaki pavinien byŭ prybyć u 13.50. U liku pasažyraŭ jość biełaruskija hramadzianie, u tym liku hrupa biełaruskich dziaciej — udzielnikaŭ Mižnarodnaj kanfierencyi maładych vučonych na Bali.
Zachodni napramak dla palotaŭ zakryty całkam.
Ciapier vułkaničnaje vobłaka pakryvaje praktyčna ŭsiu terytoryju Biełarusi. Śpiecyjalisty nie vyklučajuć, što takaja situacyja budzie doŭžycca dvoje sutak.
