U sakretnym i futurystyčnym minskim šmatpaviarchoviku pradajecca trochpakajovaja kvatera. Košt kvadrata ŭražvaje
Žyllo na siomym paviersie doma, jaki nahadvaje karabiel, pradajecca pa rekordnaj canie. Kvadrat u kvatery acanili ŭ 4100 dalaraŭ, piša Realt.by.
Žyły dom pobač z praśpiektam Pieramožcaŭ u Minsku ŭźviali ŭ rekordna karotkija terminy — jaho pabudavali litaralna za hod.
Novabudoŭla na prestyžnaj vulicy Cichaj była hatovaja jašče minułaj vosieńniu, ale infarmacyja pra toje, kamu dastanucca kvatery ŭ domie, tak i zastałasia ŭ sakrecie: u svabodny prodaž žyllo ŭ domie-karabli nie trapiła.
Pa svajoj architektury dom pieraklikajecca z susiednim biznes-centram Riviera Plaza. Z-za hetaha padabienstva miascovyja žychary navat spačatku prymali žyły dom za ofis.
U vyniku, šmatpaviarchovik staŭ piatym kruiznym łajnieram, pryšvartavanym pobač z vadaschoviščam Drazdy.
Kvatera, vystaŭlenaja na prodaž, raźmieščana na siomym paviersie. Ahulnaja płošča žylla składaje 60 kvadratnych mietraŭ, žyłaja — 42 kvadratnyja mietry.
Kvatera składajecca z kuchni-haścioŭni z panaramnymi voknami, a taksama dvuch žyłych pakojaŭ. Z voknaŭ adkryvajecca vid na vulicu, u trojcy — niekalki łodžyj (z vychadam z adnaho pakoja) i sumieščany sanvuzieł.
Žyllo prapanujecca biez azdableńnia.
Miarkujučy pa fatahrafijach z abjavy, unizie doma raźmiaściłasia reśpiektabielnaje łobi.
Terytoryja kala doma-zakrytaja, na ŭjeździe ŭstalavany šłahbaŭm.
Krychu pobač ad novabudoŭli raźmiaščajecca dziciačaja placoŭka. Taksama tut jość zaradka dla elektramabilaŭ i viełaparkoŭka.
Niedaloka ad doma raźmiaščajecca biźnies-centr sa spa − kompleksam, nasuprać − ŽK «Łazuryt» i «Minsk Arena», u krokavaj dastupnaści — handlovy centr «Arena-Sici» z hipiermarkietam, kinateatram i bucikami. Pry hetym sam dom staić u hłybini ad praśpiekta — bližej da pryvatnaj zabudovy.
Košt kvatery — 249 tysiač dalaraŭ (4109 dalaraŭ — za mietr).
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam23
Kamientary