Kala 100 čałaviek, u liku jakich jość biełaruskija hramadzianie, nie zmahli vylecieć 17 krasavika z aeraporta Abu-Dabi ŭ Minsk z-za vułkaničnaha vobłaka, jakoje nakryła terytoryju Biełarusi.
Jak paviedamiŭ adzin z pasažyraŭ, rejs adkładzieny na niapeŭny čas.
Siarod pasažyraŭ — prykładna piaciora biełaruskich dziaciej, udzielnikaŭ Mižnarodnaj kanfierencyi maładych vučonych, jakaja prachodziła na Bali.
Pavodle słoŭ krynicy, pasažyry adkładzienaha rejsa zabiaśpiečanyja haračym charčavańniem, časova raźmieščanyja ŭ VIP-zale, vyrašajecca pytańnie ab braniravańni dla ich miescaŭ u haścinicy. Asnoŭnaja prablema — u časovych vizach, dziejańnie jakich zakančvajecca.
U pasolstvie Biełarusi ŭ Abjadnanych Arabskich Emiratach situacyju kamientavać admovilisia.
U Nacyjanalnym aeraporcie «Minsk» BiełaPAN paviedamili, što samalot z Abu-Dabi pa hrafiku pavinien prylacieć u 13.50.
Namieśnik načalnika adździeła aeraportaŭ, naziemnych srodkaŭ i aeranavihacyi departamienta pa avijacyi Ministerstva transpartu i kamunikacyj Biełarusi Alaksandr Akulenka paćvierdziŭ, što rejs z Abu-Dabi adkładzieny. Pavodle jaho słoŭ, z 00 hadzin 17 krasavika Nacyjanalny aeraport «Minsk» prymaje tolki asobnyja rejsy ŭschodniaha napramku.
