Alaksandr Łukašenka pavinšavaŭ prezidenta Balivaryjanskaj Respubliki Vieniesueła Uha Čaviesa z 200‑hodździem niezaležnaści krainy.
Jak paviedamiła pres‑słužba prezidenta Biełarusi, kiraŭnik dziaržavy «vykazaŭ słovy ščyraha zachapleńnia pośpiechami vieniesuelskaj dziaržavy ŭ praviadzieńni reform, skiravanych na pabudovu kvitniejučaj krainy». Łukašenka adznačyŭ pazityŭnuju dynamiku ŭ realizacyi ŭzajemavyhadnaha supracoŭnictva Biełarusi i Vieniesueły va ŭsich śfierach.
Kiraŭnik dziaržavy paćvierdziŭ imknieńnie Respubliki Biełaruś da dalejšaha raźvićcia ŭsiebakovaha palityčnaha i handlova‑ekanamičnaha ŭzajemadziejańnia ź Vieniesuełaj, jakoje «nabyło charaktar stratehičnaha aljansu».
Prezident Biełarusi ličyć, što «najbolš chutkaja realizacyja našych sumiesnych prajektaŭ u handlova‑ekanamičnaj, navukova‑techničnaj, vajenna‑techničnaj i inšych śfierach adpaviadaje intaresam abiedźviuch krain».
«Adzinstva našych pohladaŭ na budučyniu śvietu źjaŭlajecca nadziejnym padmurkam dla dalejšaha pašyreńnia kanstruktyŭnaha supracoŭnictva Biełarusi ź Vieniesuełaj u ramkach AAN, Ruchu niedałučeńnia i inšych mižnarodnych arhanizacyj», — padkreśliŭ kiraŭnik biełaruskaj dziaržavy.