Adny virusatvornyja prahramy dastupnyja ŭ internecie zadarma, inšyja kaštujuć niatanna.
Kožnuju siekundu na Ziamli ździajśniajecca ŭ siarednim sto chakierskich atak, pra heta havorycca ŭ apublikavanym dniami dakładzie kampanii Symantec — najbujniejšaha suśvietnaha vytvorcy prahram dla kampjutarnaj biaśpieki.
Pavodle Symantec, kolkaść złoŭžyvańniaŭ u Suśvietnym siecivie ŭ 2009 hodzie vyrasła na 71% u paraŭnańni z papiarednim hodam.
Pieravažnaja bolšaść vypadkaŭ chakierskaha ŭmiašańnia biaskryŭdnyja,
ale kožnyja 4,5 siekundy adna ź ich prynosić realnuju škodu.
Letaś ekśpierty Symantec zarehistravali 2,9 młn. virusaŭ, «trajanaŭ» dy inšych škodnych prahram, 51% jakich źjavilisia ŭpieršyniu.
Imklivy rost kampjutarnaj złačynnaści paskaraje źjaŭleńnie vialikaj kolkaści prostych va ŭžytku pakietaŭ prahramnaha zabieśpiačeńnia, z dapamohaj jakich virusy mohuć stvaryć navat maładyja chakiery, kaža ekśpiert Symantec Toni Osbarn.
Niekatoryja ź ich dastupnyja ŭ internecie biaspłatna, inšyja kaštujuć niatanna. Adzin z samych viadomych, Zeus, abydziecca achvotnamu ŭ 700 dalaraŭ. Dajšło da taho, što jaho stvaralniki prapanujuć telefonnuju kansultacyju tym, u kaho toj nie zapuskajecca.
Pavodle Symantec, u 2009 hodzie było pradadziena zvyš 90 tysiač pakietaŭ Zeus, i mienavita ź ich dapamohaj byli stvoranyja najbolš škodnyja virusy.
Zeus z dapamohaj spam‑paviedamleńniaŭ zavablivaje ludziej na sajty, dzie ich padmanam prymušajuć ustaloŭvać škodnyja kody, abo pranikaje ŭ kampjutary, vykarystoŭvajučy viadomyja słabyja miescy.
Usio čaściej, havorycca ŭ dakładzie, kampjutarnyja złačyncy stvarajuć bot‑sietki z kampjutaraŭ‑»zombi», jakimi možna kiravać dystancyjna i bieź viedama ich uładalnikaŭ vykarystoŭvać dla rassyłańnia spamu abo kradziažu piersanalnych źviestak. Jak śćviardžajuć ekśpierty Symantec, letaś amal siem miljonaŭ piersanalnych kampjutaraŭ byli uciahnuty ŭ bot‑sietki.
Kradziež źviestak ź piersanalnych kampjutaraŭ staŭ paŭsiadzionnych zaniatkam dla mnostva ludziej, śćviardžaje Toni Osbarn.
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy12
Kamientary