Pra heta 21 krasavika na pres‑kanfierencyi ŭ Minsku zajaviŭ lider Abjadnanaj hramadzianskaj partyi Anatol Labiedźka.
Jon nahadaŭ, što 20 krasavika ŭ pasłańni biełaruskamu narodu i nacyjanalnamu schodu Alaksandr Łukašenka «dapuskaŭ niehatyŭnyja vykazvańni adnosna pierśpiektyŭ sajuznych adnosinaŭ».
«Pasłańnie Łukašenki adlustravała kryzis u zamiežnaj palitycy krainy, — skazaŭ Labiedźka. — Raniej ułady mieli tył u vyhladzie Rasijskaj Fiederacyi. Ciapier tył staŭ pieradavoj linijaj frontu. Pośpiechi ŭ zamiežnaj palitycy siońniašnich uładaŭ frahmientarnyja».
Možna havaryć ź vialikaj dolaj vierahodnaści, ličyć palityk, što Łukašenka «straciŭ manapoliju na rasijski viektar u źniešniaj palitycy».
Labiedźka ŭpeŭnieny, što «heta stvaraje peŭny šans dla apazicyi».
«Najbližejšym časam AHP pasprabuje vykarystać rasijski viektar, — skazaŭ jon. — Treba pierakanać Rasiju, što lepš aryjentavacca na realii, a nie na razmovy siońniašnich uładaŭ».
Labiedźka paviedamiŭ, što ŭ partyi »iość svajo bačańnie biełaruska‑rasijskich adnosinaŭ, jakoje praduhledžvaje realizacyju kankretnych dziejańniaŭ dla pierachodu da cyvilizavanych adnosinaŭ pamiž krainami».
