U Dobrušy školny prybiralščyk vyrabiŭ śmietnicu z parasonam i sabačkam FOTAFAKT
Piensijanier Leanid Pilipienka ŭsio žyćcio pracavaŭ mastakom na Dobrušskim farforavym zavodzie. A paśla vychadu na piensiju nie zachacieŭ zastavacca doma biez spravy i ŭładkavaŭsia ŭ siaredniuju škołu №3 prybiralščykam. Ale tvorčyja zadatki prajavilisia i tut, piša miascovaja rajonka «Dobrušski kraj».
Na ŭvachodzie ŭ škołu mužčyna svaimi rukami zrabiŭ aryhinalnuju śmietnicu. Heta nie zvyčajnaja mietaličnaja kanstrukcyja, a sapraŭdny maleńki tvor mastactva: śmietnica viahladaje jak elehantny džentlmien u fraku z halštukam-babačkaj, a nad joj raźmieščany parason. Pobač majstar prymacavaŭ tonki pavadok, da jakoha pryčepleny maleńki sabačka.
Leanid Pilipienka pryznajecca, što hałoŭnaja meta hetaj pracy — paradavać dziaciej, jakija kožny dzień prychodziać u škołu. Kab zrabić niezvyčajnuju śmietnicu, jon vykarystaŭ padručnyja materyjały: truby ad starych śpisanych kresłaŭ, kavałki armatury, što znajšlisia doma. Z hetych, zdavałasia b, nikomu nie patrebnych rečaŭ i źjaviłasia aryhinalnaja kanstrukcyja.
Ciapier čytajuć
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary