U Teatry junaha hledača pasadu mastackaha kiraŭnika zaniaŭ kupałaviec Uładzimir Savicki. Novaha pryznačeńnia čakali z asablivaj uvahaj paśla skandału sa zvalnieńniem hałoŭnaha režysiora Natalli Bašavaj.
Uładzimir Savicki.
«Varyjanty byli, navat nie adzin. Ale stałasia tak. Heta nie tolki moj vybar. Ministerstva kultury, upraŭleńnie kultury Minharvykankama prymaje ŭdzieł u vybary. Prosta tak heta nie vyrašajecca. Mnie padajecca, što heta zdolny čałaviek. Jon zmoža źmianić situacyju, jakaja
skłałasia ŭ teatry», — adznačyŭ dyrektar TIUHa Juryj Kulik.30 sakavika ŭ hałoŭnaha režysiora Natalli Bašavaj skončyŭsia kantrakt. Dyrektar nie staŭ jaho padaŭžać. Častka akcioraŭ tady padpisała adkryty list da Alaksandra Łakašenki, u jakim prasiła nie dapuścić nieabhruntavanaha zvalnieńnia kalehi. Ale heta nie pryviało da čakajemych vynikaŭ.
Natalla Bašava dvanaccać hadoŭ adpracavała ŭ TIUHu, siem ź jakich na pasadzie hałoŭnaha režysiora. Paśla zvalnieńnia pracuje mastackim kiraŭnikom duchoŭna-aśvietnickaha centra «Spadarožnik chryścijanina» pry vydaviectvie Biełaruskaha ekzarchatu. Ad kamientaryjaŭ nakont novaha pryznačeńnia ŭ TIUHu jana ŭstrymlivajecca.