Tak ličyć Juryj Kiturka, dyrektar Hrodzienskaha historyka-archieałahičnaha muzieja, na terytoryi jakoha u časie subotnika vysiekli dzieviać akacyjaŭ.
Tut była biełaja akacyja.
Ciapier kala hałoŭnaha ŭvachodu ŭ Novy zamak soniečna. Fota Błoh Horodno s13 Błoh Horodno s13
Haradžanie zasmučanyja i chočuć viedać, navošta źniščyli drevy (drevy śpiłavali ŭ časie subotnika 23 krasavika — nn.by) ŭ adnym z samych pryhožych miescaŭ u centry horada. Krajaznaŭcy havorać, što źnikła jašče adna zona adpačynku ŭ Hrodna, i ličać vysiečku niezakonnaj. Na ich dumku, parušany zakon RB «Ab raślinnym śviecie».
Zamoŭca vysiečak — administracyja Hrodzienskaha historyka-archieałahičnaha muzieja. Pa słovach dyrektara ŭstanovy Juryja Kiturki, u akacyjaŭ zhnili stvały, drevastoj nios niebiaśpieku dla naviedvalnikaŭ zamka i samoha budynka.
— U minułym hodzie ŭ adnoj z akcyjaŭ advalilisia haliny. Na terytoryi Novaha zamka zastalisia dva duby, ich całkam dastatkova. A navošta jašče? Heta ž nie park. Zaraz u dvary zamka budzie bolš soniečnaha śviatła», — skazaŭ Jury Kiturka.
Dyrektar muzieja dadaŭ, što ŭsie pracedury vysiečki byli zakonnymi, bo ich ŭzhadnili ź inśpiekcyjaj pryrodnych resursaŭ i navakolnaha asiarodździa. Vyśvietliłasia, što kamisija z Hrodnazielanbuda zrabiła ahlad zialonych nasadžeńniaŭ na terytoryi Novaha zamka jašče ŭ minułym hodzie. Jak raspavioŭ načalnik Hrodzienskaj haradskoj inśpiekcyi pryrodnych resursaŭ i achovy navakolnaha asiarodździa Andrej Łubin, u vyniku akacyi pryznali «niežyćciazdolnymi». Pastanavili, što ŭ dreŭ vysachła bolš za 2 / 3 krony, stvały zasielenyja škodnikami. Pavodle zaklučeńnia kamisii bijałahičnyja abjekty padlahali znosu.
Pa słovach Juryja Kiturki, na miescy śpiłavanych akacyjaŭ sadžać novyja drevy i kusty nie płanujecca. Da fiestyvalu nacyjanalnych kultur tam zrobiać roŭny hazon.
Daviedka «VH»
Krajaznaŭca, ekskursavod Ihar Łapiecha: «Biełyja akacyi byli pasadžanyja pry rekanstrukcyi Novaha zamka ŭ druhoj pałovie 50-ch hadoŭ minułaha stahodździa. Raśliny zusim nie staryja i mahli b stajać jašče 20-30 hadoŭ. Niebiaśpieki ŭ tym, što akacyi mohuć upaści, nie było, bo jany majuć vielmi tryvałyja niakrochkija stvały. A zaklučeńnie ekśpiertnaj kamisii ab usychańni drevastoju nie adpaviadaje rečaisnaści. Niaŭzbrojenym vokam možna było ŭbačyć, što drevy zdarovyja.