U vyniku vybuchu na ipadromie paciarpieła bolš za 30 čałaviek.
Pa fakcie vybuchu, jaki adbyŭsia siońnia, 1 traŭnia, na ipadromie Nalčyka, SKP RF raspačała kryminalnuju spravu pa artykule «terakt». Jak paviedamili ŭ Śledčym kamitecie pry Prakuratury Rasii, spačatku złačynstva było kvalifikavana jak «zabojstva» i «zamach na zabojstva», adnak u chodzie śledča-apieratyŭnych dziejańniaŭ byli ŭstanoŭleny akaličnaści, jakija dazvalajuć havaryć ab tym, što byŭ ździejśnieny mienavita terakt.
Pa ŭdakładnienych dadzienych, u vyniku vybuchu paciarpieli 30 čałaviek, adzin čałaviek zahinuŭ. «U ciapierašni čas u špitalach znachodziacca 23 paciarpiełych u vyniku vybuchu, jašče šeść čałaviek, jakija atrymali lohkija ranieńni, admovilisia ad špitalizacyi i byli adpraŭlenyja dadomu», -- paviedamiŭ kiraŭnik pres-słužby hałoŭnaha ŭpraŭleńnia MNS pa Kabardyna-Bałkaryi Kanciemir Davydaŭ.
Paranieny vieteran Druhoj suśvietnaj vajny 1906 hoda naradžeńnia pamior u reanimacyi. U liku paciarpiełych apynulisia ministr kultury Kabardzina-Bałkaryi Rusłan Firaŭ, eks-staršynia respublikanskaha MUS Chačym Šahienaŭ i karespandent adnoj ź miascovych haziet Albiert Dyškiekaŭ.
Pa adnoj ź viersij, vybuch adbyŭsia kala centralnaha ŭvachodu na ipadrom, pa inšych, vybuchovaja pryłada była zakładziena pad tak zvanaj uradavaj trybunaj ipadroma. Pavodle papiarednich dadzienych, mahutnaść bomby składała ad troch da piaci kiłahramaŭ u traciłavym ekvivalencie, vybuchnaja pryłada była načynienaja paražajučymi elemientami.
Prezident Rasii Dźmitryj Miadźviedzieŭ užo daručyŭ MUS i FSB rasśledavać akaličnaści vybuchu.