Rasijskija vojski zaniali čatyry siały pad Zaparožžam, pahroza navisła nad horadam Hulajpole
Rasijanie zaniali sioły Sałodkaje, Novaje i Uśpienaŭka. Pavodle źviestak prajekta DeepState, Rasija ciapier nastupaje na siało Raŭnapolle za 11 kiłamietraŭ na poŭnač ad Hulajpola. Jaho zachop adkryje darohu na sam horad.
Pra adbićcio atak na Raŭnapolle rehularna paviedamlajuć apošnija dni i Siły abarony poŭdnia Ukrainy.
Za apošni miesiac rasijskija vajskoŭcy prasunulisia tut prykładna na 10 km, a USU nie zmahli ŭtrymać abarončyja rubiažy na race Jančur, paviedamiŭ pradstaŭnik daśledčaj hrupy Conflict Intelligence Team (CIT).
Tempy nastupu, miarkujučy pa ŭsim, rastuć. Rasijskija vajskoŭcy ciapier prachodziać pa 4—5 km za niekalki dzion, miarkuje analityk Jan Maćviejeŭ.
«Paśla padzieńnia Uśpienaŭki (za 18 km na paŭnočny ŭschod ad Hulajpola — NN), zdajecca, bolš niama ni abarončych pazicyj, ni ŭkrainskich vojskaŭ, jakija mahli b zapavolić prasoŭvańnie praciŭnika», — napisaŭ vajskovy analityk niamieckaha vydańnia Bild Julijan Repkie. Toje, što adbyvajecca, ekśpiert acharaktaryzavaŭ jak «łakalny abvał abarony» USU.
Hulajpole moža być stračana ŭ najbližejšy miesiac, a moža i tydni, papiaredžvajuć ekśpierty. «USU nie maje siłaŭ i mahčymaściaŭ stabilizavać hety nastup, va ŭsialakim razie pakul», — miarkuje Jan Maćviejeŭ.
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1919
Kamientary