«Jandeks Muzyka» praz cenzuru vydaliła albom Leibonik. Hurt znajšoŭ vyjście ŭ styli «biełych plamaŭ»
Rasijskamu stryminhu nie spadabaŭsia trek «Hramadzianin» z žorstkimi pažadańniami rasijskim vajskoŭcam.
Papularny ŭ Biełarusi stryminh «Jandeks Muzyka» vydaliŭ albom «Tam» hurta Leibonik. Pryčym zrabiŭ heta praz cenzuru.
«Naprykancy viasny «Jandeks Muzyka» (samy papularny ŭ Biełarusi stryminh) biez papiaredžańnia vydaliŭ pieśniu HRAMADZIANIN, a razam ź joj i ŭvieś albom TAM», — raskazaŭ u instahramie lidar hurta Siarhiej Bašłykievič.
Muzyka znajšoŭ elehantnaje vyjście ź situacyi ŭ styli haziet ź biełymi plamami. Jon zamianiŭ «Hramadzianina» na trek «Niema». Heta instrumientalnaja viersija pieśni, jakaja nie spadabałasia cenzaram. Tak što kožny zmoža praśpiavać jaje ŭ farmacie karaokie.
«Spačatku ja dumaŭ prosta prybrać pieśniu z alboma ci trochu vypravić tekst, ale ŭsio ž pieśnia biez słovaŭ budzie hučać bolš krasamoŭna. I tamu dla «Jandeks Muzyki» albom TAM pierazalivajecca ŭ redakcyi TUT — dzie na miesca «Hramadzianina» stanovicca flejta NEMA», — piša Bašłykievič.
Što mahło nie spadabacca «Jandeks Muzycy»? Całkam mahčyma, pažadańni rasijskim vajskoŭcam, jakija ŭvarvalisia va Ukrainu. Adzin z kupletaŭ treka «Hramadzianin» hučyć tak:
«Chto na Kijeŭ u BTRy jedzie ŭnočy
Chaj vierniecca ŭ Rastoŭ, ale nie viernucca vočy
Chaj chłopiec zaŭralski abdymie doma mamku
A nohi chaj pakinie pad Sumami ŭ tanku
Chaj źbity pad Charkavym u viertalocie
Kali zmoža, napiša: Abhareŭ na rabocie
Chaj Čornaje mora kaskami pazasypie
Astrachanskaha ducha ŭ samym poŭnym ekipie».
Stała viadoma, jakija biełaruskija vykanaŭcy byli samymi papularnymi ŭ 2025 hodzie na «Jandeks Muzyka»
«Biełarusy nahadvajuć čałavieka z tryvožnym razładam». Paet Vital Ryžkoŭ pra zvańnie seks-simvała paezii, batł z Najdzionavym, Karža i Cichanoŭskuju
«Na plačach maječka Mark Formelle». Hurt Leibonik vypuściŭ novy albom
Biełarusaŭ padzialaje nie tolki zhuščonka. Hurt Leibonik vypuściŭ pieśniu pra inšyja žyćciovyja dylemy
Ciapier čytajuć
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ1
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary