Novaje praviła budzie dziejničać dla ŭsich biez vyklučeńnia — turystaŭ, tych, chto jedzie pa spravach, a taksama tranzitnych pasažyraŭ.
Hruzija z 1 studzienia 2026 hoda ŭvodzić abaviazkovaje strachavańnie dla ŭsich zamiežnych hramadzian, jakija ŭjazdžajuć u krainu. Pra heta paviedamili ŭ pasolstvie Biełarusi ŭ Tbilisi.
Novaje praviła budzie dziejničać dla ŭsich biez vyklučeńnia — turystaŭ, tych, chto jedzie pa spravach, a taksama tranzitnych pasažyraŭ. Kožny zamiežnik pavinien mieć aformleny miedycynski strachavy polis i strachavańnie ad niaščasnych vypadkaŭ na ŭvieś termin znachodžańnia ŭ krainie — z momantu ŭjezdu da vyjezdu.
Strachoŭku možna aformić jak u hruzinskich, tak i ŭ zamiežnych kampanijach jašče da pajezdki. Hałoŭnaja ŭmova — polis pavinien dziejničać na terytoryi Hruzii.
Minimalnaje miedycynskaje pakryćcio pavinna składać nie mienš za 30 tysiač łary (heta kala 10 tysiač jeŭra). Taksama strachoŭka pavinna ŭklučać ekstrannuju miedycynskuju dapamohu, evakuacyju i repatryjacyju.
U pasolstvie rajać zachoŭvać polis adrazu ŭ dvuch varyjantach — elektronnym i papiarovym. Dakumient pavinien być aformleny na anhlijskaj abo hruzinskaj movie.
Pry adsutnaści strachoŭki zamiežnikam mohuć admović va ŭjeździe — jak u aeraportach, tak i na naziemnych punktach propusku.
Ciapier čytajuć
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary