Biełaruś maje ŭsiaho siem spartsmienaŭ.
Siońnia viečaram u Italii a 22:00 pa minskim časie adbudziecca cyrymonija adkryćcia XXV zimovych Alimpijskich hulniaŭ. Niekatoryja spabornictvy startavali raniej, ale aficyjna ŭsio pačynajecca siońnia.
Centrami zimovych Hulniaŭ upieršyniu ŭ historyi źjaŭlajucca adrazu dva harady — Miłan i Karcina-d'Ampieca, taksama alimpijskija starty prymuć Ro, Asaha, Livińjo, Bormia, Predaca, Teziera i Antcholc.
Cyrymonija adkryćcia projdzie na miłanskim stadyjonie «San-Sira» i pačniecca ŭ 22.00 pa minskim časie, uračystaje zakryćcio Hulniaŭ adbudziecca ŭ antyčnym amfiteatry Vierony 22 lutaha.
Udzieł u zimovaj Alimpijadzie-2026 voźmuć 2900 spartsmienaŭ z 94 krain. Za 16 dzion atlety razyhrajuć 116 kamplektaŭ uznaharod u 16 vidach sportu (bijatłon, łyžnyja honki, skački na łyžach z tramplina, kiorlinh, sanny sport i babślej, frystajł, chakiej, hornyja łyžy, słałam, fihurnaje katańnie dy inŭ.)
U skład našaj delehacyi ŭvajšli siem spartsmienak, paśla pačatku vajny va Ukrainie biełaruski i rasijski sport pad banam, naprykład, miedalny bijatłon, a taksama chakiej.
U śniežni da spabornictvaŭ dapuścili frystajł, biełaruskija frystajlisty brali miedali na ŭsich Alimpijadach, pačynajučy z 1998 hoda, a 2010, 2014 i 2018 pryvozili zołata.
Anastasija Andryjanava, Hanna Huśkova, Hanna Dziaruha (frystajł)
17 lutaha, aŭtorak
Kvalifikacyja 1 (13:00). Kvalifikacyja 2 (13:45).
18 lutaha, sierada
Finał (13:30).
Kab trapić u finał, treba ŭvajści ŭ top-12 najlepšych.
Maryna Zujeva (kańkabiežny sport)
7 lutaha, subota
3 000 m (18:30).
12 lutaha, čaćvier
5 000 m (18:30).
21 lutaha, subota
Masavy start. Paŭfinał (17:50). Finał (19:15).
Maryja Škanava (hornyja łyžy)
18 lutaha, sierada
Słałam. 1‑ia sproba (12:00). 2‑ia sproba (finał) (15:30).
Hanna Karalova (łyžnyja honki)
7 lutaha, subota
Skijatłon (10 km + 10 km) (15:00).
10 lutaha, aŭtorak
Sprynt, kłasičny styl. Kvalifikacyja (11:15). Finał (13:45).
12 lutaha, čaćvier
10 km, svabodny styl (15:00).
22 lutaha, niadziela
50 km, masavy start. Kłasičny styl (12:00).
Viktoryja Safonava (fihurnaje katańnie)
17 lutaha, aŭtorak
Karotkaja prahrama (20:45).
18 lutaha, sierada
Advolnaja prohramma (21:00).
Zimovyja Hulni ŭ Italii stanuć dla Biełarusi dziasiatymi z momantu zdabyćcia niezaležnaści. Za dzieviać papiarednich Alimpijad našymi spartsmienami zavajavana 20 uznaharod (8 załatych, 7 siarebranych, 5 bronzavych).
Siońniašniaja ŭdzielnica Hanna Huśkova ŭziała zołata ŭ Pchienčchanie-2018 i sierabro ŭ Piekinie-2022. Ekśpierty aceńvajuć šancy Hanny jak nievialikija, jana paśpieła ŭ hetym hodzie paŭdzielničać u troch etapach Kubka śvietu (biełarusaŭ razbanili tolki ŭ śniežni), ale ŭsiudy była tolki dziaviataj.
U astatnija vidach (łyžy, hornyja łyžy, fihurnaje katańnie, kańki) traplańnie ŭ dziasiatku lepšych budzie pośpiecham.
Na papiaredniaj Alimpijadzie ŭ 2022 hodzie ŭ Kitai biełaruskija spartsmieny vyjhrali dźvie siarebranyja ŭznaharody: Huśkova zaniała druhoje miesca ŭ łyžnaj akrabatycy, a bijatłanist Anton Smolski pakazaŭ druhi vynik u indyvidualnaj honcy. Tam udzielničali 29 biełarusaŭ.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1414
Kamientary