Usie hulcy zbornaj Kanady vyjšli na lod, kali šviejcarskaha chakieista vynosili ź placoŭki
Apošni matč učorašniaha hulniavoha dnia na Alimpijadzie spakojna išoŭ da zaviaršeńnia, Kanada ŭpeŭniena pierajhravała Šviejcaryju ź likam 5:1, ale tut zdaryłasia strašnaja traŭma forvarda šviejcarcaŭ Kievina Fijała.
Cim Uiłsan jechaŭ pravodzić siłavy pryjom, jaki pieršapačatkova i nie vyhladaŭ niebiaśpiečnym. Fijała bačyŭ supiernika i hatovy byŭ adkazać, adnak niaŭdała ŭpaŭ razam z kanadcam i atrymaŭ ciažkuju traŭmu. Kievin nie moh pavarušycca: naha zamierła ŭ adnym stanoviščy, i daktaram pryjšłosia samastojna padymać hulca, piša Championat.com.
Na hulcach abiedźviuch kamand, hledačach, sudździach nie było tvaru — usie moŭčki nazirali za tym, što adbyvajecca. Kanadskaja kamanda navat vyjechała na lod i padtrymała forvarda šviejcarskaj zbornaj.
Hałoŭny trenier šviejcarcaŭ Patryk Fišer paśla matča skazaŭ: «My jaho jašče nie bačyli. Jon adpraviŭsia ŭ balnicu. Vidavočna, što jaho stan nie vielmi dobry. Vielmi, vielmi ciažki momant dla Kievina i ŭsioj kamandy».
Abaronca kanadcaŭ Dru Daŭci, jaki źjaŭlajecca adnakłubnikam Fijała, jak i ŭsie, byŭ ašałomleny i zajaviŭ, što choča ŭbačyć svajho tavaryša jak maha chutčej: «Ja chacieŭ padjechać da jaho, kali jon lažaŭ na lodzie. Ja jamu skazaŭ niešta, kali jaho vieźli, a ciapier źbirajusia znajści jaho jak maha chutčej prama ciapier».
Daŭ kamientar i Cim Uiłsan, jakoha mnohija ciapier palivajuć brudam, choć vidavočna, što Cim nie chacieŭ traŭmavać supiernika: «Heta Alimpijskija Hulni, mnie vielmi škada, što jon, mahčyma, nie zmoža praciahnuć hulać. Nikoli nie chočacca bačyć, jak hulec atrymlivaje traŭmu, asabliva na takim turniry».
Šviejcarskaja fiederacyja ŭžo vystupiła z zajavaj: «Kievin Fijała byŭ vymušany pakinuć lod z-za traŭmy za try chviliny da kanca hulni. Miedycynskaje abśledavańnie vyjaviła traŭmu nahi, jakaja vyklučaje jaho ŭdzieł u Alimpijskich hulniach 2026 hoda».
Fihuryst z Kazachstana Michaił Šajdoraŭ siensacyjna vyjhraŭ zołata Alimpijady
Hałoŭny trenier zbornaj Finlandyi pa skačkach z tramplina pierabraŭ na Alimpijadzie z ałkaholem
Sturła Cholm Lehrejd vybačyŭsia pierad byłoj dziaŭčynaj za apovied pra zdradu
Jochanes Kłeba vyjhraŭ vośmy załaty miedal. Jon staŭ razam ź vialikimi
Kamientary