«Mytny sajuz Biełarusi, Kazachstana i Rasii pierarastaje ekanamičny farmat i stanovicca novaj hieapalityčnaj realnaściu», — zajaviŭ 21 maja premjer‑ministr Rasii Uładzimir Pucin na pasiadžeńni vyšejšaha orhana Mytnaha sajuza ŭ Sankt‑Pieciarburhu, pieradaje RIA Novosti.
«My zadavoleny vysokimi tempami sumiesnaj raboty pa farmiravańni Mytnaha sajuza», — skazaŭ Pucin. Jon adznačyŭ, što adzinaja ekanamičnaja prastora, jakaja farmirujecca, źjaŭlajecca na siońnia klučavym kirunkam intehracyjnych pracesaŭ u SND i JeŭrAzES.
Havoračy pra farmiravańnie pravavoj bazy adzinaj ekanamičnaj prastory, Pucin adznačyŭ, što dla hetaha spatrebiacca kampramisy z boku kožnaha z udzielnikaŭ. Jon nahadaŭ, što dla ŭviadzieńnia ŭ dziejańnie Mytnaha kodeksa z 1 lipienia hetaha hoda nieabchodna padrychtavać 18 prajektaŭ dahavoraŭ. Pavodle jaho słoŭ, ź ich vosiem užo ŭchvalenyja kamisijaj Mytnaha sajuza, a jašče try — «na padychodzie».
«Astatnija abmiarkoŭvajucca. I ŭčora, ja viedaju, kalehi pracavali da dźviuch hadzin nočy.
Prapanuju dać daručeńnie našym śpiecyjalistam pracavać z bolšaj addačaj i ŭ paskoranym režymie zaviaršyć uzhadnieńnie ŭsich dakumientaŭ», — skazaŭ Pucin.
Asablivuju ŭvahu kiraŭnik rasijskaha ŭrada paprasiŭ nadać prapracoŭcy mižuradavych pahadnieńniaŭ ab prymianieńni sanitarnych, vieterynarna‑sanitarnych i fitasanitarnych mier u Mytnym sajuzie, a taksama ab techničnym rehulavańni i ab funkcyjanavańni intehravanaj infarmacyjnaj sistemy źniešniaha i ŭzajemnaha handlu.
Pucin taksama paviedamiŭ, što 21 maja pavinien być uchvaleny šerah klučavych pahadnieńniaŭ, jakija tyčacca praviłaŭ vyznačeńnia krainy pachodžańnia tavaraŭ, pryncypaŭ źbirańnia ŭskosnych padatkaŭ i inšych pytańniaŭ mytnaha rehulavańnia.
