Jeŭrasajuz nie patrabuje ad Ukrainy chutka ramantavać naftapravod «Družba»
Jeŭrapiejski sajuz nie patrabuje ad Ukrainy adnaŭleńnia tranzitu rasijskaj nafty pa paškodžanym naftapravodzie «Družba» i nie stavić nijakich dedłajnaŭ dla jaho ramontu. Pra heta zajaviła ŭ Brusieli pres-sakratarka Jeŭrakamisii Anna-Kajsa Itkanien, piša «Jeŭrapiejskaja praŭda».
Pavodle słoŭ pres-sakratarki, ES padtrymlivaje kantakt z ukrainskimi ŭładami, kab atrymać infarmacyju pra mahčymyja terminy adnaŭleńnia, adnak nie ciśnie na Kijeŭ i nie vystaŭlaje nijakich ultymatumaŭ.
Jana padkreśliła, što ŭličvajecca kantekst vajny: na praciahu čatyroch hadoŭ Rasija vykarystoŭvała ŭkrainskuju enierhietyčnuju infrastrukturu i adnačasova sistemna jaje źniščała.
Itkanien adznačyła, što Ukraina prykładaje značnyja namahańni dla adnaŭleńnia enierhasistemy, u tym liku pry padtrymcy dziaržaŭ — členaŭ ES i Jeŭrakamisii, kab harantavać ciepłazabieśpiačeńnie balnic, žyłych damoŭ i pracu pramysłovaści.
Taksama jana zajaviła, što ES praciahvaje kamunikacyju z ukrainskim bokam i ŭ hetaj situacyi nie vystaŭlaje nijakich «dedłajnaŭ».
Raniej Vienhryja zajaviła pra mahčymaść spynieńnia pastavak elektraenierhii i hazu va Ukrainu, kali Kijeŭ nie adnović pracu «Družby». Akramia taho, Vienhryja i Słavakija abvinavacili Ukrainu ŭ tym, što jana nie ramontuje paškodžanyja ŭčastki trubapravoda. Tranzit rasijskaj nafty ŭ Słavakiju i Vienhryju praz terytoryju Ukrainy byŭ spynieny z kanca minułaha miesiaca z-za maštabnych rasijskich udaraŭ pa ŭkrainskaj enierhietyčnaj infrastruktury.
Vienhryja i Słavakija pierastali pastaŭlać Ukrainie dyzielnaje paliva za admovu ŭ tranzicie rasijskaj nafty
«Para spynić heta vajennaje śpiekulanctva». Charvatyja admoviłasia transpartavać ŭ Vienhryju i Słavakiju rasijskuju naftu, ale hatovaja pamahčy ź inšaj
Spynilisia apošnija pastaŭki rasijskaj nafty ŭ Jeŭrasajuz. Rasija sama razbambiła naftapravod
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary