Ź Minska adkryli novyja pramyja aŭtobusnyja rejsy ŭ litoŭski horad Troki. Raniej ź biełaruskaj stalicy možna było dabracca tolki ŭ Vilniu, Koŭna i ich aeraporty, a ciapier źjaviłasia jašče adna łakacyja, paviedamili ŭ pres-słužbie servisa «Atłasbaj».
Trocki zamach. Fota: Wikimedia Commons
Rejsy arhanizavaŭ pieravozčyk «Vadžen Trans». Aŭtobusy buduć chadzić dvojčy na dzień: ź Minska — a 3:00 i 4:20, z Trokaŭ — a 11:00 i 14:35. Čas u darozie składaje prykładna 5,5 hadziny.
Maršrut prachodzić praź Iŭje i Voranava ŭ Biełarusi, a ŭ Litvie — praź Vilniu. Admietna, što aŭtobusy iduć praz punkt propusku «Bieniakoni», jaki ličycca mienš zahružanym, tamu tam zvyčajna niama vialikich čerhaŭ i zatrymak.
Košt kvitka — kala 130 rubloŭ, što prykładna supastaŭna z pajezdkami ŭ Vilniu.
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary