Tarhi pa dalary ZŠA na tarhach Biełaruskaj valutna‑fondavaj biržy 31 maja nie pravodzilisia. Heta abumoŭlena śviatkavańniem u ZŠA Dnia Pamiaci. Razam z tym Nacyjanalny bank Biełarusi pavysiŭ aficyjny kurs dalara na 2 rubli — da 3.000 rubloŭ.
Pavodle źviestak BVFB, u tarhach rasijskim rublom brali ŭdzieł 28 bankaŭ. Kurs źniziŭsia na 0,72 rubla da 97,59 rubla. Abjom tarhoŭ skłaŭ 394 młn. 130 tys. rasijskich rubloŭ (popyt — 218 młn. 833 tys., prapanova — 394 młn. 130 tys.).
U tarhach jeŭra ŭziali ŭdzieł 25 bankaŭ. Abjom ździełak skłaŭ 10 młn. 530 tys. (popyt — 10 młn. 524 tys., prapanova — 11 młn. 938 tys.), a kurs źniziŭsia na 8 rubloŭ da adznaki 3.690 rubloŭ za jeŭra.
U adnosinach da valutnaha košyka (dalar ZŠA, jeŭra, rasijski rubiel) biełaruski rubiel umacavaŭsia na 0,29% u paraŭnańni z papiarednim značeńniem: košt košyka skłaŭ 1.026,17 rubla suprać 1.029,18 rubla ŭ piatnicu.
Z pačatku hoda kurs biełaruskaha rubla da valutnaha košyka ŭmacavaŭsia na 0,97%. Pry hetym da dalara ZŠA kurs źniziŭsia na 4,79%, da rasijskaha rubla źniziŭsia na 3,10%, da jeŭra — umacavaŭsia na 10,11%.
Na 2010 hod kalidor vahańniaŭ kursu biełaruskaha rubla ŭ adnosinach da košyka valut ustanoŭleny ŭ miežach plus/minus 10%.
