Na nastupnym tydni paciapleje, tempieratura budzie vyšejšaj za normu
Sinoptyk Dźmitryj Rabaŭ u efiry ANT paviedamiŭ, što na nastupnym tydni, z 13 pa 19 krasavika, u krainie čakajecca prykmietnaje paciapleńnie. U siarednim tempieratura budzie vyšejšaj za klimatyčnuju normu na 1—2 hradusy, apadkaŭ stanie mienš, a nadvorje ŭ cełym palepšycca.
U paniadziełak dniom prahnazujecca ad +9 da +16, ale nočču jašče mahčymyja zamarazki — ad minus 3 da plus 3. Ranicaj i ŭnačy miescami buduć tumany, istotnych daždžoŭ nie čakajecca.
U aŭtorak nadvorje budzie vyznačać antycykłon: biez apadkaŭ, z prajaśnieńniami i bolšaj kolkaściu sonca. Nočču +3…+7, dniom da +12…+16, na paŭdniovym zachadzie — ciaplej.
U sieradu zachavajecca ŭpłyŭ vobłaści vysokaha cisku. Miescami mahčymyja karotkija daždžy (pieravažna na paŭnočnym uschodzie), ale ŭ cełym budzie sucha. Nočču +3…+7, dniom ad +11 da +18.
U čaćvier čakajucca karotkačasovyja daždžy, ale sonca budzie źjaŭlacca ŭsio čaściej. Tempieratura zastaniecca prykładna takoj ža: nočču +3…+7, dniom +11…+16.
U piatnicu stanie jašče ciaplej: dniom ad +12 na poŭnačy da +20 na poŭdni krainy. Nadvorje budzie ź pieramiennaj vobłačnaściu i nievialikimi daždžami miescami.
Na vychadnych nadvorje paraduje. U subotu biez apadkaŭ, nočču +5…+11, dniom +10…+17. U niadzielu daždžy małavierahodnyja, ale zastanucca tumany ŭnačy i ranicaj. Tempieratura nočču +6…+11, dniom +14…+19.
U cełym tydzień abiacaje stać značna ciaplejšym i bolš kamfortnym — z adčuvańniem nabližeńnia maja.
Kamientary