Francuzski junak trapiŭ u Sinhapury pad sud za ablizvańnie sałominki dla soku
U Sinhapury 18‑hadovy padletak z Francyi moža atrymać turemny termin paśla incydentu z aŭtamatam dla prodažu apielsinavaha soku, piša Bi-bi-si.
Pavodle materyjałaŭ śledstva, junak dastaŭ sałominku z aŭtamata, ablizaŭ jaje i viarnuŭ nazad u adsiek dla vydačy. Usio heta jon źniaŭ na videa i vykłaŭ u Instagram. Paźniej rolik šyroka razyšoŭsia ŭ internecie.
Paśla zdareńnia kampanija, jakoj naležyć aŭtamat, paviedamiła, što była vymušana zamianić usie 500 sałominak u adsieku i pravieści sanitarnuju apracoŭku.
Maładoha čałavieka abvinavacili ŭ naŭmysnym psavańni majomaści i stvareńni hramadskaj niazručnaści. Kali jaho pryznajuć vinavatym pa abodvuch punktach, jamu pahražaje bolš za dva hady turmy i vialikija štrafy.
Incydent adbyŭsia 12 sakavika ŭ adnym z handlovych centraŭ Sinhapura. Na videa junak dadaŭ podpis, što horad nibyta «niebiaśpiečny».
Mnohija karystalniki internetu adreahavali na situacyju z abureńniem i ahidaj paśla taho, jak zapis staŭ virusnym.
Viadoma, što abvinavačany vučycca ŭ sinhapurskim filijale biznes-škoły ESSEC. Navučalnaja ŭstanova paviedamiła, što taksama pravodzić unutranuju pravierku.
Ciapier čytajuć
Dla kaho sabralisia budavać vielizarny vantavy most u Minsku?3
Kamientary
Nu i chaj, treba ž durniaŭ niejak vučyć.