U Rahačoŭskim rajonie Homielskaj vobłaści patanuŭ dzieviacihadovy chłopčyk z Rasii, jaki adpačyvaŭ z babulaj u sanatoryi «Prydniaproŭski».
Jak paviedamiła supracoŭnik adździeła infarmacyi i hramadskich suviaziaŭ UUS Homielskaha abłvykankama Śviatłana Urubleŭskaja, žančyna z unukam prybyła ŭ sanatoryj u kancy maja. 3 červienia jana pajšła na pracedury, dazvoliŭšy ŭnuku samastojna pahulać pa terytoryi sanatoryja, ale chłopčyk adpraviŭsia na raku.
Z pačatku 2010 hoda na vadajomach Homielskaj vobłaści patanuli vosiem čałaviek (za taki ž pieryjad minułaha hoda zafiksavana 15 faktaŭ utapleńnia). Tolki za minułuju niadzielu, 6 červienia, u roznych rajonach vobłaści patanuli try čałavieki.
«I heta — nie kančatkovyja vyniki, tamu što mnohija ličacca źnikłymi bieź źviestak, a praź niekatory čas vyśviatlajecca, što toj ci inšy źnikły patanuŭ. Chaciełasia b pieraścierahčy tych, chto adpraŭlajecca na plaž: budźcie bolš uvažlivyja i aściarožnyja. A hałoŭnaje — nie pakidajcie ŭ biadzie taho, chto pobač», — adznačyła Urubleŭskaja.
