Anatol Astapienka prezientavaŭ svaju čarhovuju knihu ab nacyjanaliźmie.
Anatol Astapienka.
«Što takoje biełaruski nacyjanalizm?»,
— takim pytańniem zadaŭsia aŭtar, kali pačaŭ pisać novuju knihu «Ihdie zrodilisia iuskormleny suť po Bozie» (słovy adnoj z pradmoŭ Franciška Skaryny).
«Mianie cikavili tyja, chto rabiŭ uniosak u farmavańnie nacyi — biełaruskija nacyjanalisty. Maja meta — prasačyć nacyjanalnuju ideju va ŭsich abłaściach».
Prafiesar Alaksiej Rahula padčas prezientacyi nazvaŭ tojesnymi paniaćci nacyjanalizmu i kultury. «U našych litaratury i mastactvie adna prablematyka. U ich najbolš vyražana nacyjanalnaja ideja». I pa jaho słovach, Anatol Astapienka sychodzić z sacyjalna-kulturnaj realnaści ŭ svajoj knizie. Ale sp. Rahula kanstatavaŭ, što ŭ cełym «my nie viedajem svajoj kultury». A adsiul i «tojesnaść pamiž nacyjanalizmam i šavinizmam, jakaja śviadoma musirujecca ŭ pieršuju čarhu aficyjozam».
Piśmieńnik Uładzimir Damaševič adznačyŭ, što takaja kniha patrebnaja nieśviadomamu biełarusu. Ale ŭ takim abjomie, a heta bolš za 700 staronak, jana nieadolnaja dla masavaha čytača. Tamu aŭtaru treba stvarać navukova-papularnaje vydańnie ab biełaruskim nacyjanaliźmie na 100-200 staronak.
«Łukašenka čakaje, kali jamu «padaduć» nacyjanalnuju ideju»,
— pracytavaŭšy słovy z adnaho z vystupleńniaŭ Alaksandra Łukašenki, adznačyŭ Vasil Jakavienka. I piśmieńnik prapanavaŭ skłaści kamisiju, jakaja napiša kiraŭniku dziaržavy list. Maŭlaŭ, znajšli tuju ideju. A da lista prykłaści knihu «Ihdie zrodilisia iuskormleny suť po Bozie». Ale takuju prapanovu ŭspryniali chutčej ź ironijaj, čym surjozna.
Na prezientacyja byli i tyja, dla kaho vydańnie źjaŭlajecca supiarečlivym. Krytyka na adras sp. Astapienki hučała z vusnaŭ Anatola Viarcinskaha, Viačasłava Siŭčyka.
Bo pasaž aŭtara «ja pišu knihu nie dla demakrataŭ, a dla nacyjanalistaŭ» nie dla ŭsich padaŭsia prymalnym.
Anatol Astapienka naradziŭsia ŭ 1947 hodzie. Navukoviec, publicyst. Aŭtar knih «Pasłuchajcie nacyjanalista», «Nacyjanalizm u sučasnym śviecie». Siabar Sajuza biełaruskich piśmieńnikaŭ.