My paprasili prakamentavać padaŭžeńnie sankcyj ZŠA suprać słužbovych asobaŭ Biełarusi Dejvida Kremera, byłoha pamočnika dziaržsakratara ZŠA pa pravach čałavieka, demakratyi i pracy ŭ administracyi prezydenta Džordža Buša, jakaja hetyja sankcyi ŭviała.
Radyjo Svaboda: Spadar Kremer, paśla padaŭžeńnia sankcyj prezydentam Barakam Abamam jašče na hod Ministerstva zamiežnych spravaŭ Biełarusi zajaviła, što jany «nadumanyja i adarvanyja ad žyćcia». I jašče Miensk skazaŭ, što hetyja sankcyi «biezvynikovyja i kanfrantacyjnyja». Ci vy pahadžajeciesia z hetkaj acenkaj ź Miensku?
Dejvid Kremer: Ja mocna padtrymlivaju rašeńnie prezydenta padoŭžyć hetyja sankcyi. Sankcyi byli nakładzienyja ŭ 2006 hodzie
Radyjo Svaboda: Miensk razhladaje anulavańnie sankcyj jak abaviazkovuju ŭmovu adnaŭleńnia dyjalohu z Vašynhtonam. Vierahodna, heta taksama aznačaje, što pakul hetyja sankcyi nia buduć admienienyja, datul nia ŭznoviać narmalnaj pracy abiedźvie ambasady, persanał jakich pamienšany ŭzajemnymi skaračeńniami dva hady tamu. Jak vy ŭjaŭlajecie ŭznaŭleńnie narmalnych adnosin pamiž Mienskam i Vašynhtonam?
Dejvid Kremer: Davajcie ŭdakładnim adnu reč. Heta našaha ambasadara vykinuli ź Miensku pieršym. My byli prymušanyja pamienšyć štat našaj ambasady z bolš čym 30 čałaviek da piaci. My adkazvali na kroki Miensku tak, jak adkazaŭ by kožny inšy ŭrad. Tak što heta nie byli ŭzajemnyja zachady, a vymušanyja zachady z našaha boku. Hetaja akcyja była inicyjavanaja režymam Łukašenki. Kab vypravić hetyja rečy, režym u Miensku pavinien pierastać uciskać svajo nasielnictva. Złučanyja Štaty padtrymlivali namahańni Eŭraźviazu dałučyć režym da dyjalohu i supracoŭnictva, ale na takoje dałučeńnie režym pavinien adkazvać krokami ŭ kirunku refarmavańnia i liberalizacyi palityčnaj systemy. My zaŭsiody stavili hetaje pytańnie vielmi vyrazna. Vyzvaleńnie palityčnych viaźniaŭ było tolki adnym z takich krokaŭ, choć i vielmi važnym.
Radyjo Svaboda: Spadar Kremer, a ci vy asabista vierycie, što prezydent Alaksandar Łukašenka moža źmianić svaje palityčnyja pavodziny
Dejvid Kremer: Ja adnošusia da hetaha chutčej za ŭsio skieptyčna i sumniavajusia, što jon moža źmianicca. Ale jon biezumoŭna maje nahodu, kab heta zrabić. I kali b jon źmianiŭ svaje pavodziny, dyk Złučanyja Štaty byli b hatovyja ŭznavić ź im adnosiny. Palityka sankcyj, uviedzienych pry administracyi prezydenta Buša, była prydumanaja nie dziela taho, kab źmianić režym, a kab źmianić pavodziny režymu. Heta važnaje adroźnieńnie. Tak što tolki ad Łukašenki zaležyć, ci treba jamu mianiać adnosiny da svajho narodu. Ja nia ŭpeŭnieny, ci jon tak zrobić, ale kali b jon źmianiŭ, dyk ja mahu skazać, što Złučanyja Štaty byli b hatovyja adkazać na heta stanoŭčym čynam.