Biełarus apłaciŭ dziaŭčynie viniry, a paśla rastavańnia zapatrabavaŭ hrošy. Što kaža zakon?
Małady čałaviek, jak byŭ u adnosinach, apłaciŭ dziaŭčynie ŭstanoŭku viniraŭ, a paśla rasstańnia zachacieŭ viarnuć sabie hrošy. Ci možna patrabavać nazad srodki, vydatkavanyja na stamatołaha byłoj dziaŭčyny?
«Ja za košt ułasnych srodkaŭ apłaciŭ svajoj dziaŭčynie stamatałahičnyja pasłuhi (ustanoŭka viniraŭ/impłantaŭ). Ci mahu ja paśla razryvu našych adnosin viarnuć patračanaje?» — raspavioŭ biełarus «Minskaj praŭdzie».
Advakat jurydyčnaj kansultacyi Centralnaha rajona Homiela Ramana Navojeŭ adznačyŭ: zychodziačy z zakanadaŭstva, biełarus maje prava rasparadžacca hrašovymi srodkami, jakija jamu naležać.
Kali małady čałaviek śviadoma i dobraachvotna pryniaŭ rašeńnie i apłaciŭ vydatki svajoj dziaŭčyny, to heta jaho prava. U takoj situacyi zroblenyja im vydatki nie padlahajuć viartańniu ŭ sudovym paradku.
— Zychodziačy z apisanaj situacyi, małady čałaviek, vidavočna, razumieŭ, što ŭ jaho niama nijakich abaviazkaŭ apłačvać stamatałahičnyja pasłuhi svajoj dziaŭčyny, i biazvypłatna raschodavaŭ svaje hrašovyja srodki, što pazbaŭlaje jaho prava na viartańnie patračanych srodkaŭ, — patłumačyŭ Raman Navojeŭ.
Razam z tym małady čałaviek zmoža viarnuć hrošy, kali dakaža, što traty byli ździejśnieny pad upłyvam zmanu, padmanu, hvałtu albo pahroz. Adnak heta małavierahodna.
— Padarunki, jakija asoby robiać adna adnoj u pieryjad adnosin, taksama nie padlahajuć viartańniu. Zakon dazvalaje darycielu admianić dareńnie, kali adorany ździejśniŭ zamach na jaho žyćcio, žyćcio jaho siamiejnikaŭ abo blizkich svajakoŭ albo naŭmysna pryčyniŭ darycielu ciełavyja paškodžańni. Pry hetym dadzienaje praviła nie raspaŭsiudžvajecca na zvyčajnyja padarunki, košt jakich nie pieravyšaje dvaccacirazovaj sumy bazavaj adzinki, — padahulniŭ advakat.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?14
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2121
Kamientary