U nastupnuju subotu ŭ Vilni projdzie Siamiejny biełaruska-litoŭski fest ź litscenaj
20 červienia ŭ Vilni ŭ prastory Sodas2123 projdzie siamiejny biełaruska-litoŭski intehracyjny fiestyval «Pad čaroŭnym drevam».
Adnoj z klučavych miaścin festu stanie litaraturnaja placoŭka z udziełam biełaruskich i litoŭskich piśmieńnic, piśmieńnikaŭ dy mastačak, jakija pracujuć na nivie dziciačaj litaratury, piša bellit.info.
Hości litaraturnaj placoŭki:
Hanna Jankuta — piśmieńnica, paetka, pierakładčyca. Aŭtarka adnaho z samych viadomych piersanažaŭ sučasnaj biełaruskaj dziciačaj litaratury — Kata Šprota. Pierakładaje, u tym liku dziciačuju litaraturu, z polskaj i anhielskaj movaŭ.
Andrej Skurko — paet, pierakładčyk. Aŭtar niekalki zbornikaŭ vieršaŭ dla dziaciej. Pierakładaje dziciačuju paeziju i prozu z polskaj i anhielskaj.
Jurha Vile — piśmieńnica, pierakładčyca. Razam ź ilustratarkaj Linaj Itahaki stvaryła adnu z najviadomiejšych litoŭskich knih dla padletkaŭ — «Sibirskija chajku» («Sibiro haiku»), jakaja aktyŭna pierakładajecca na inšyja movy.
Virhis Šydłaŭskas — piśmieńnik, hałoŭny redaktar dziciačaha časopisa «Laimiukas», muzykant. Aŭtar niekalkich knih dla dziaciej i padletkaŭ.
Lizavieta Lankievič — mastačka, ilustratarka. Dvojčy pieramožca Premii Ciotki za najlepšuju knihu dla dziaciej i padletkaŭ u mastackaj naminacyi. Pracuje jak z knihami dla maleńkich, tak i z padletkavaj litaraturaj. Stvaraje ilustracyi dla biełaruskich kłasičnych tvoraŭ.
Aŭšra Kiudułajcie — mastačka, ilustratarka. Adna z najviadomiejšych jaje prac — kniha «Ščaście — heta lisa» («Laimė yra Lapė») razam ź piśmieńnicaj Evielinaj Daciucie. Knihi ź ilustracyjami Aŭšry pierakładzieny na 30 movaŭ.
Akramia dyskusij i razmoŭ možna budzie pasłuchać žyvuju muzyku, a zatym paŭdzielničać u majstar-kłasach ad Aŭšry Kiudułajcie i Lizy Lankievič i namalavać svaich vizualnych piersanažaŭ. Starejšyja dzieci zmohuć stvaryć svaju nievialičkuju historyju razam z vykładčycaj i paetkaj Darjaj Roskač.
Padčas fiestyvalu budzie pracavać stend ad kniharni «Hartajka», dzie možna budzie kupić i padpisać knihi ŭ aŭtarak i aŭtaraŭ. Arhanizataram fiestyvalu vystupaje Asacyjacyja biełaruskich baćkoŭ u Litvie.
Z poŭnaj prahramaj fiestyvalu aznajomicca možna ŭ instahramie.
Kulturnaja prastora Sodas2123
- Vilnia
- Vitebsko g. 21—23 (Kałonija Rosy)
- Pačatak a 11:00
- Uvachod volny
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary