Padčas śviatkavańnia 3 lipienia ŭ Minsku na šerahu vulic i praśpiektaŭ buduć dziejničać časovyja abmiežavańni ruchu. Dziaržaŭtainśpiekcyja paviedamiła, što heta nieabchodna dla zabieśpiačeńnia biaśpieki ŭdzielnikaŭ śviatočnych mierapryjemstvaŭ.
Z 18:00 3 lipienia da 1:00 4 lipienia budzie zakryty ruch usich vidaŭ transpartu na praśpiekcie Pieramožcaŭ ad vulicy Internacyjanalnaj da vulicy Sapioraŭ, a taksama na praśpiekcie Mašerava ad vulicy Daŭmana da vulicy Cimirazieva.
Abmiežavańni buduć dziejničać nie tolki dla aŭtamabilaŭ i matacykłaŭ, ale i dla rovaraŭ, a taksama srodkaŭ piersanalnaj mabilnaści. Žycharam i haściam horada rajać karystacca hramadskim transpartam.
Padčas praviadzieńnia śviataŭ na prypynku «Pałac sportu» nie buduć rabicca pasadka i vysadka pasažyraŭ.
Akramia taho, kala 23:00, padčas zapusku śviatočnych fiejervierkaŭ, mohuć uvieści dadatkovyja abmiežavańni na ruch, prypynak i stajanku transpartu na prylehłych vulicach. Jany mohuć zakranuć praśpiekt Niezaležnaści na ŭčastku ad vulicy Janki Kupały da vulicy Lenina, a taksama vulicu Janki Kupały ad vulicy Maksima Bahdanoviča da praśpiekta Niezaležnaści.
Kiroŭcam, jakija płanujuć pryjechać na śviatočnyja placoŭki na asabistym transparcie, rekamiendujuć zahadzia pakłapacicca pra miesca dla parkoŭki i pakidać aŭtamabili tolki tam, dzie heta dazvolena Praviłami darožnaha ruchu. Haradžanam, jakija źbirajucca naviedać śviatočnyja mierapryjemstvy, taksama rajać addać pieravahu hramadskamu transpartu.
Ciapier čytajuć
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ7
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1818
Kamientary