U razy pavialičyŭsia košt akcyznych marak na tytuniovyja vyraby
U Biełarusi značna pavialičyli košt akcyznych marak dla markiroŭki tytuniovaj pradukcyi. Novyja taryfy dziejničajuć z 1 lipienia da 31 śniežnia 2026 hoda, paśla čaho ich płanujuć znoŭ pavysić.
Ciapier samaklejnyja akcyznyja marki dla impartnaj tytuniovaj pradukcyi, jakaja markirujecca na mytnych składach, kaštujuć 8 kapiejek za štuku. Dla ajčynnych i impartnych tytuniovych vyrabaŭ, u tym liku cyharet ź filtram pieršaj cenavaj hrupy, košt składaje 3 kapiejki za adnu marku.
Z 1 studzienia 2027 hoda ceny znoŭ pavialičacca. Dla pradukcyi na mytnych składach košt adnoj marki vyraście da 10 kapiejek, a dla astatniaj ajčynnaj i impartnaj tytuniovaj pradukcyi — da 4 kapiejek.
Dahetul, z 2019 hoda, košt adnoj akcyznaj marki składaŭ 2 kapiejki. Takim čynam, dla impartnaj pradukcyi na mytnych składach jon pavialičyŭsia ŭ čatyry razy, a dla astatniaj tytuniovaj pradukcyi — u paŭtara raza.
Heta pieršaja źmiena koštu akcyznych marak za apošnija siem hadoŭ.
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary