Cykłon «Biernadet» u najbližejšyja sutki pačnie słabieć i pieramieścicca ŭ zachodnija rajony Biełarusi. Pra heta paviedamiła na pres-kanfierencyi načalnica słužby mietearałahičnych prahnozaŭ Biełhidramieta Maryna Hryckievič.
Pavodle słoŭ śpiecyjalistki, cykłon, jaki pryjšoŭ u Biełaruś 7 lipienia, prynios navalnicy, miescami mocnyja daždžy i paryvisty viecier da 17 m/s. Da kanca tydnia jon, adnak, stracić svaju aktyŭnaść, tamu apadki stanuć karotkačasovymi, a chutkaść vietru nie budzie pieravyšać 14 m/s.
Maryna Hryckievič adznačyła, što dla Biełarusi, jakaja znachodzicca va ŭmieranych šyrotach, rezkija źmieny nadvorja źjaŭlajucca zvyčajnaj źjavaj i nie ličacca anamalnymi.
U Biełhidramiecie taksama rastłumačyli, što klimatyčnaja źjava El-Nińjo nie akazvaje pramoha ŭpłyvu na nadvorje ŭ Biełarusi. Pavodle słoŭ načalnicy adździeła vyvučeńnia źmianieńniaŭ klimatu Volhi Bakłanavaj, asnoŭny ŭpłyŭ El-Nińjo adčuvajecca ŭ rehijonie Cichaha akijana i na zachodnim uźbiarežžy Amieryki. Razam z tym hetaja źjava pavialičvaje ahulnaje paciapleńnie klimatyčnaj sistemy Ziamli i ŭzmacniaje vahańni nadvorja va ŭsim śviecie.
Na Biełaruś nasoŭvajecca cykłon «Biernadet»
Navukoŭcy ŭžo zafiksavali rekordnuju tempieraturu Suśvietnaha akijana
U Aŭstralii aficyjna zajavili pra pačatak El-Nińjo
Klimatołahi papiaredžvajuć: hety hod moža stać samym ciopłym u historyi. I z samaj vialikaj kolkaściu pryrodnych anamalij
U hetym hodzie čakajuć supier El-Nińjo — rekordnuju haračyniu
Ci čakać hetym letam u Biełarusi ekstremalnaj śpioki?
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary