Hrunvaldski muziej adkazaŭ na prośbu biełarusaŭ pastavić na poli bieł-čyrvona-bieły ściah
Dyrekcyja muziejnaha kompleksa ŭ Hrunvaldzie 15 lipienia adkazała na zvarot Śviatłany Cichanoŭskaj z prośbaj dazvolić ustalavać na Hrunvaldskim poli bieł-čyrvona-bieły ściah.
Ab hetym raskazaŭ Radyjo Svaboda vykanaŭca abaviazkaŭ staršyni Partyi BNF Jury Mielaškievič, jaki raniej inicyjavaŭ adpaviednuju pietycyju. Cichanoŭskaja nakiravała listy kiraŭnictvu muzeju Hrunvaldskaj bitvy i maršałku Varminska-Mazurskaha vajavodstva 14 lipienia.
«Jany vielmi kamplimientarna adkazvajuć, udziačnyja za prajaŭleny kłopat. Ale paviedamlajuć, što kompleks znachodzicca ŭ śpisie histaryčnych pomnikaŭ Respubliki Polšča, jaho achoŭvaje polskaje zakanadaŭstva. Rašeńnie było pryniata ŭ 2010 hodzie prezidentam Kamaroŭskim, pry padpisańni taksama prysutničaŭ premjer-ministr Donald Tusk. Heta nakładvaje abmiežavańni na rasparadžeńnie hetaj terytoryjaj administracyjaj muzieja. Jany samastojna nie mohuć ustalavać ściah», — pierakazaŭ adkaz muzieja Mielaškievič.
Za lubyja źmieny pryrodnaha łandšaftu adkazvaje śpiecyjalist, jaki zajmajecca achovaj usich pomnikaŭ u vajavodstvie. Muziej paviedamiŭ, što isnujuć peŭnyja pracedury dla ŭzhadnieńnia ŭstalavańnia ściahoŭ.
Z 1960 hoda na ŭzhorku stajać try fłahštoki dla ściahoŭ, i źmianić ich kolkaść pakul niemahčyma. Razam z tym u muziei paviedamili, što polskaje vojska padčas uračystaściaŭ na Hrunvaldskim poli ŭstanaŭlivaje časovyja mabilnyja fłahštoki, jakija nie patrabujuć uzhadnieńnia, dadaŭ Juryj Mielaškievič.
Pavodle jaho słoŭ, ciapier biełaruskija aktyvisty buduć vieści pieramovy, kab ustalavać časovyja kanstrukcyi ź bieł-čyrvona-biełym ściaham, a paźniej vykanać nieabchodnyja pracedury dla ŭstanoŭki pastajannaha biełaruskaha ściaha.
«Sardečna dziakujem za pamiać i słovy pavahi, vykazanyja z nahody hadaviny pieramohi ŭ bitvie pad Hrunvaldam, jakaja i siońnia zastajecca histaryčnaj spadčynaj i simvałam baraćby za svabodu narodaŭ, što nasialali byłyja ziemli Karaleŭstva Polskaha i Vialikaha Kniastva Litoŭskaha», — havorycca ŭ adkazie muzieja (poŭny tekst jość u rasparadžeńni redakcyi «Svabody»).
Uračystaści da hadaviny Hrunvaldskaj bitvy pačalisia pad Hrunvaldam 15 lipienia i praciahnucca da kanca hetaha tydnia. Asnoŭnym śviatočnym dniom stanie subota, 18 lipienia, kali adbudziecca rekanstrukcyja bitvy.
Pietycyja za ŭstalavańnie bieł-čyrvona-biełaha ściaha na Hrunvaldskim poli pa stanie na ranicu 16 lipienia sabrała 997 podpisaŭ. Inicyjatary płanavali sabrać simvaličnyja 12 tysiač podpisaŭ — pavodle kolkaści voinaŭ ź biełaruskich ziamiel, jakija ŭdzielničali ŭ bitvie.
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary
Vas čakajuć ciažkija časy .
Ničoha nie ździŭlaje. Nu nasamreč - chto vy takija, i pra što tut hamonicie ?