Zajava Alaksandra Milinkieviča z nahody abvastreńnia supiarečnaściaŭ pamiž aficyjnym Minskam i Maskvoj
Apošnija padziei vakoł pytańniaŭ zapazyčanaści Biełarusi pierad «Hazpromam» i «Hazpromu» pierad Biełaruśsiu adlustroŭvajuć surjozny kryzis u palityčnych stasunkach pamiž kiraŭnictvam Biełarusi i Rasii.
Uzajemnyja pretenzii nabyvajuć usio bolš kanfrantacyjny i niebiaśpiečny charaktar. Biełarusi patrebnyja prahmatyčnyja dobrasusiedskija i ŭzajemavyhadnyja adnosiny z Rasijskaj Fiederacyjaj, a nie rehularnyja svarki, niepradkazalnaść i kanfrantacyja.
U toj ža čas, usim vidavočnaja poŭnaja niežyćciazdolnaść pabudavanaj u Biełarusi kamandna-administracyjnaj ekanamičnaj madeli va ŭmovach dziejańnia narmalnych rynkavych miechanizmaŭ i realnych cenaŭ na enierhanośbity.
Tolki rynkavaje refarmavańnie ekanomiki i jaje madernizacyja z dapamohaj cyvilizavanych krainaŭ, najpierš ES, demakratyzacyja i pavaha da ekanamičnych, palityčnych i hramadzianskich pravoŭ biełarusaŭ, a taksama nacyjanalnaja jednaść i zhoda zdolnyja stvaryć tryvały padmurak dla zachavańnia niezaležnaści i roskvitu biełaruskaj dziaržavy.