Na minułym tydni Vilenski akruhovy administratyŭny sud admianiŭ rašeńnie Kamisii pa radyjo i telebačańni Litvy, jakaja sioleta ŭ sakaviku zabaraniła tranślacyju BT pa litoŭskich kabelnych sietkach.
Na toj čas heta vyklikała nierazumieńnie siarod litoŭskich apazycyjnych palitykaŭ, jakija vykazvali niepakoj, što takim čynam Litva demanstruje svoj strach pierad biełaruskim dyktataram dy daje nahodu ŭsumnicca ŭ śviadomaści hramadzianaŭ Litvy. Siarod niezadavolenych byli i aperatary litoŭskich kabelnych sietak: BT retranślujuć 19 aperataraŭ, što absłuhoŭvajuć 130 tysiačaŭ abanentaŭ (pieravažna žycharoŭ Vilni i ŭschodnich rajonaŭ Litvy), a ŭsiaho ŭ Litvie dziejničaje 56 aperataraŭ kabelnych sietak (330 tys. abanentaŭ). Niekatoryja ź ich paraŭnoŭvali sytuacyju z BT z zabaronaj parnahrafii na litoŭskim telebačańni.
Fota Andreja Lankieviča
