Forbes uklučyŭ dvuch biełarusaŭ u top samych bahatych imihrantaŭ u ZŠA
Amierykanski časopis Forbes abnaviŭ rejtynh samych bahatych imihrantaŭ, jakija žyvuć u ZŠA. Sioleta ŭ śpis uvajšli 144 čałavieki, a ich ahulny kapitał aceńvajecca ŭ 2,2 tryljona dalaraŭ. Dla paraŭnańnia, hodam raniej u rejtynhu było 125 čałaviek z sumarnym bahaćciem 1,3 tryljona dalaraŭ, piša Office Life.
Siarod sioletnich udzielnikaŭ rejtynhu — adrazu dva biełarusy: suzasnavalnik i techničny dyrektar ŠI-startapa Perplexity Dzianis Jarac i zasnavalnik inviestycyjnaha fondu WorldQuant Ihar Tulčynski.
Dzianis Jarac zaniaŭ 97‑ie miesca. Jahonaje bahaćcie Forbes acaniŭ u 2,1 miljarda dalaraŭ.
Jarac naradziŭsia ŭ Homieli i atrymaŭ adukacyju ŭ BDU, dzie vyvučaŭ matematyku i kampjutarnyja navuki. U 2008 hodzie jon dajšoŭ da jeŭrapiejskaha finału spabornictva Google Code Jam, jaki prachodziŭ u Ciurychu. Paźniej pracavaŭ inžynieram u Microsoft, dzie zajmaŭsia pošukavaj sistemaj Bing, a taksama ŭdzielničaŭ u raźvićci servisu Quora. Da stvareńnia Perplexity jon byŭ navukovym supracoŭnikam u Facebook AI Research.
U 2022 hodzie Jarac razam z dvuma amierykanskimi partniorami zasnavaŭ Perplexity — kampaniju, jakaja raspracoŭvaje alternatyvu tradycyjnym pošukavym sistemam. Startap pryciahnuŭ pieršyja inviestycyi ŭžo ŭ hod zasnavańnia. Pavodle infarmacyi Forbes, u 2025 hodzie acenka kampanii dasiahnuła 20 miljardaŭ dalaraŭ. Siarod jaje inviestaraŭ — Džef Biezas i Kryšcijanu Ranałdu.
Druhi biełarus u śpisie — Ihar Tulčynski. Jon zaniaŭ 113‑ie miesca, a jahonaje bahaćcie aceńvajecca ŭ 1,7 miljarda dalaraŭ.
Tulčynski naradziŭsia ŭ Biełarusi ŭ 1966 hodzie, a ŭ 1977‑m razam z baćkami emihravaŭ u ZŠA. Jon vučyŭsia ŭ Techaskim univiersitecie ŭ Ościnie, a paśla skončyŭ biznes-škołu Univiersiteta Piensilvanii.
Svaju karjeru Tulčynski pačaŭ u AT&T, zatym pracavaŭ u Interactive Brokers, a paźniej pierajšoŭ u chiedž-fond Millennium, zasnavany miljarderam Izi Enhłanderam.
U 2007 hodzie jon zasnavaŭ inviestycyjny fond WorldQuant. Ciapier kampanija kiruje aktyvami prykładna na 17 miljardaŭ dalaraŭ, u tym liku 7 miljardami dalaraŭ u jakaści kansultanta dla chiedž-fondu Millennium.
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary