29 červienia — prostaja telefonnaja linija sa staršyniom Minharvykankama Mikałajem Ładućkam
29 červienia z 14.00 da 16.00 u Minharvykankamie budzie arhanizavana pramaja telefonnaja linija sa staršyniom harvykankama Mikałajem Ładućkam. Jak paviedamili ŭ pres‑słužbie Minharvykankama, jaje temaj budzie zabieśpiačeńnie žyćciadziejnaści horada ŭ roznych śfierach.
Padčas pramoj linii budzie pracavać šmatkanalny telefon 222‑44‑44. Pytańni buduć prymać i zapisvać apieratary.
Jak śćviardžajuć u pres‑słužbie, nivodzin zvanok nie zastaniecca biez uvahi. Navat kali Ładućka nie paśpieje adkazać na niejkija pytańni asabista, jany buduć fiksavacca, a zatym pieradavacca ŭ adpaviednuju strukturu harvykankama. Adkaz budzie atrymany ŭ abaviazkovym paradku.
Na pramoj linii buduć prysutničać kiraŭniki ŭsich słužbaŭ harvykankama i kiraŭniki administracyj rajonaŭ.
Heta budzie ŭžo druhaja pramaja telefonnaja linija z udziełam Ładućki z momantu jaho pryznačeńnia kiraŭnikom harvykankama. Pieršaja adbyłasia 21 krasavika i była pryśviečana jakaści budaŭnictva žylla.
Ciapier čytajuć
Čym ciapier žyvie Ksienija Vołkava z «Apošniaha hieroja»? Čverć stahodździa tamu hetaja biełaruska trapiła na trapičny vostraŭ2
Kamientary