Na biełaruskich płantacyjach ciapier idzie zbor uradžaju vinahradu. Tut vyroščvajuć jak zamiežnyja sarty, jakija prystasoŭvajuć da miascovych umoŭ, tak i ŭłasnyja raspracoŭki biełaruskich sielekcyjanieraŭ.
Adnym z apošnich dasiahnieńniaŭ navukoŭcaŭ staŭ sort, jahady jakoha pa smaku i vodary nahadvajuć kłubnicy. Jaho stvaryli šlacham metanakiravanaha adboru hibrydnych siejancaŭ. Sielekcyjaniery imknulisia adnačasova pavysić marozaŭstojlivaść łazy, jaje supraciŭlalnaść chvarobam i atrymać niezvyčajnyja smakavyja jakaści.
Novuju raznavidnaść užo paśpieli acanić padčas dehustacyj. Jahady atrymalisia ščylnymi i sałodkimi, z vyraznym jahadnym prysmakam. Adnak da masavaha prodažu jašče daloka — sort pavinien prajści dziaržaŭnyja sartavyja vyprabavańni.
Svoj układ u raźvićcio vinahradarstva robiać i sadoŭniki-amatary. Jany ekśpierymientujuć z zamiežnymi sartami, šukajuć sposaby abaranić raśliny ad marazoŭ i chvarob, vykarystoŭvajuć ciaplicy, chovanki i roznyja sposaby farmiravańnia kustoŭ.
Jašče niadaŭna vinahrad u Biełarusi ličyŭsia amal ekzatyčnaj kulturaj, a ciapier jaho vyroščvańnie stanovicca ŭsio bolš zvyčajnaj spravaj. Novyja biełaruskija sarty pakazvajuć, što navat va ŭmovach umieranaha klimatu možna atrymlivać jakasny ŭradžaj ź niezvyčajnymi smakavymi ŭłaścivaściami.
Ciapier čytajuć
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj15
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1818
Kamientary
Niedavno v ramkach riekłamnoj ihry vyihrał datskije finiki True Dates ...so vkusom kisłoho jabłoka. Mnie nraviatsia finiki sami po siebie, začiem im sozdavať druhoj vkus, oblepiv ich kakim to iskusstviennym poroškom so vkusom jabłoka, da jeŝie očień kisłym? Komu nravitsia jabłočnyj vkus, kupit jabłoko