Deputaty nie paćviardžajuć i nie abviarhajuć infarmacyju ab sakretnaj ratyfikacyi Mytnaha kodeksa
Ale zakrytaje pasiadžeńnie ŭ sieradu było.
Ale zakrytaje pasiadžeńnie ŭ sieradu było.
Deputaty pałaty pradstaŭnikoŭ nie paćviardžajuć i nie abviarhajuć infarmacyju ab ratyfikacyi Mytnaha kodeksa na zakrytym pasiadžeńni parłamienta 30 červienia.
Razam z tym, jak paviedamili dva parłamientary, jakija prasili ich nie nazyvać,
učora paśla abiedu adbyłosia zakrytaje pasiadžeńnie pałaty pradstaŭnikoŭ.
Abodva deputaty admovilisia paviedamić, ci razhladalisia na hetym pasiadžeńni pytańni, što tyčacca Mytnaha sajuza, padkreśliŭšy: heta — zakrytaja infarmacyja.
U pres‑słužbach abiedźviuch pałat nacyjanalnaha schodu zajaŭlajuć, što nie vałodajuć aficyjnaj infarmacyjaj pa hetym pytańni.
Źviestki ab ratyfikacyi ŭ zakrytym režymie Mytnaha kodeksa źjavilisia ŭ niekatorych ŚMI viečaram 30 červienia.
U hety dzień zaviaršyła pracu viasnovaja siesija nacyjanalnaha schodu Biełarusi. Chacia ŭ papiaredni paradak dnia pytańnie ab ratyfikacyi Mytnaha kodeksa nie było ŭniesiena, čakałasia, što na apošnim plenarnym pasiadžeńni parłamienta jon jano ŭsio ž budzie razhledžana. Hetaha nie adbyłosia.
Razam z tym, u paradak dnia było dadatkova ŭklučana pytańnie ab zvarocie da prezidenta z prapanovaj sklikać pazačarhovuju — piatuju — siesiju pałaty pradstaŭnikoŭ 7 vieraśnia.
Ranicaj 30 červienia namieśnik ministra ekanamičnaha raźvićcia RF Andrej Ślapnioŭ zajaviŭ žurnalistam, što, pavodle jaho źviestak, u hety dzień biełaruski parłamient pavinien razhledzieć pytańnie ab ratyfikacyi Mytnaha kodeksa.
Jon padkreśliŭ, što 1 lipienia Mytny kodeks MS nabudzie moc u lubym vypadku. «Kali Biełaruś siońnia ratyfikuje Mytny kodeks Mytnaha sajuza — dyk na troch, a kali Biełaruś vyrašyć, što joj jašče patrebny niejki čas, — značyć na dvuch. Usio roŭna 1 lipienia Mytny kodeks nabyvaje moc», — zajaviŭ namieśnik ministra.
U toj ža dzień pieršy vice‑premjer Biełarusi Uładzimir Siamaška zajaviŭ žurnalistam: kali Rasija admienić pošliny na naftapradukty, Biełaruś hatova «siońnia ž» padpisać pahadnieńnie ab Mytnym kodeksie. «Kali nie, to ŭ nas jość reziervy, pačakajem, — dadaŭ jon. — 4‑5 lipienia vy atrymajecie adkazy na ŭsie svaje pytańni». U hetyja dni ŭ Astanie pavinny prajści pasiadžeńni Miždziaržaŭnaje rady JeŭrAzES i vyšejšaha orhana MS na ŭzroŭni kiraŭnikoŭ dziaržaŭ.
Ciapier čytajuć
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii3
Kamientary