Ministerstva ekanamičnaha raźvićcia Rasiei 20 vieraśnia pačało raśśledavańnie adnosna impartu cukru ź Biełarusi. Pretenzii rasiejskaha boku zvodziacca da taho, što ŭ biełaruskich vytvorcaŭ cukru jość dziaržaŭnyja subsydyi, hetkim čynam jany zahadzia majuć bolš pryvabnyja umovy za rasiejskich vytvorcaŭ.
Całkam vierahodna, što ŭ vyniku raśśledvańnia rasiejcy mohuć uvieści mytny zbor dla ŭvozu biełaruskaha cukru. Pakul niama jasnaści, jaki pamier budzie mieć taja myta i ŭvohule ci budzie jana ŭviedziena. Rašeńnie budzie pryniata ŭ druhoj pałovie kastryčnika.
Ciaham pieršaha paŭhodździa sioleta Biełaruś impartavała ŭ Rasieju 65 tysiačaŭ tonaŭ cukru na 30 miljonaŭ dalaraŭ.
Palitolah Alaksandar Kłaskoŭski, kamentujučy dla «NN» sytuacyju z cukram adznačyŭ, što jana ŭ čarhovy raz zaśviedčyła kryzys idei sajuznaj dziaržavy. «My ŭbačyli jašče raz, što niama niejkaj mytnaj sajuznaj unifikacyi. Kožny z bakoŭ pracuje na svaje intaresy, robić hrošy. Biełarusy dla siabie, rasiejcy – dla siabie. Heta zvyčajnyja, lakalnyja handlovyja vojny, jakija zapeŭnivajuć nas u dalejšaj niežyćciazdolnaści sajuza. Budziem spadziavacca, što takija kanflikty, jak ź vinom abo cukram, stanuć pradvieśnikami narmalnych, jak va ŭsim śviecie, mytnych adnosinaŭ miž našymi krainami. Razam z tym rasiejcy apošnim časam pačynajuć namiakać, što biełaruski bok musić dzialicca ź imi mytami na ekspart naftapraduktaŭ. Kali takoje nasamreč adbudziecca, to heta budzie sapraŭdy ŭdar dla biełaruskaj ekanomiki. Tam havorka budzie vieścisia nie pra miljony, jak z cukram, a pra miljardy dalaraŭ». – miarkuje Alaksandar Kłaskoŭski.
