U Biełarusi najbližejšym časam na asabliva niebiaśpiečnych učastkach daroh i ŭ miescach redkaha źjaŭleńnia patrulnych ekipažaŭ Dziaržaŭtainśpiekcyi źjaviacca maniekieny, jakija nahadvajuć inśpiektaraŭ darožna‑patrulnaj słužby.
Jak paviedamili ŭ MUS, takuju zadaču pastaviŭ ministr unutranych spraŭ Anatol Kulašoŭ na apieratyŭnaj naradzie 30 červienia.
Staličnaj Dziaržaŭtainśpiekcyi daručana źviarnuć bolš pilnuju ŭvahu na kiroŭcaŭ, jakija ŭjazdžajuć u Minsk ź inšych rehijonaŭ krainy, bo mnohija ź ich hrebujuć padčas ruchu ramianiami biaśpieki, parušajuć praviły parkoŭki i stajanki transpartnych srodkaŭ.
Anatol Kulašoŭ ličyć nieabchodnym vyznačyć avaryjna niebiaśpiečnyja ŭčastki i hieapatahiennyja zony na darohach krainy, h.zn. zony škodnaha ŭździejańnia ziamnoj pavierchni na stan zdaroŭja čałavieka va ŭmovach ruchu.
Na naradzie prahučała infarmacyja ab tym,
što z pačatku hoda ŭ Biełarusi zarehistravany 42 zdareńni z paciarpiełymi, dzie niezdavalniajučyja darožnyja ŭmovy stali spadarožnym faktaram.
Maksimalny rost takich zdareńniaŭ adznačajecca ŭ Hrodzienskaj i Mahiloŭskaj abłaściach. Pry hetym u Babrujsku adbyłosia šeść ź siami zarehistravanych u vobłaści zdareńniaŭ, u jakich zimoj ludzi paciarpieli z‑za niajakasnaha ŭtrymańnia vulic i daroh, što pryviało da stvareńnia ślizkaha pakryćcia. Va ŭsich vypadkach u dačynieńni da słužbovych asob, jakija dapuścili niesvoječasovuju apracoŭku prajeznaj častki supraćhałalodnymi materyjałami i jaje niajakasnuju ŭborku, administracyjnyja pratakoły nie składalisia. Padobnyja situacyi byli ŭ Viciebskaj, Hrodzienskaj i Minskaj abłaściach.
Pry hetym jašče ŭ studzieni respublikanskaja Dziaržaŭtainśpiekcyja nakiravała ŭ Mintrans paviedamleńnie ab tym, što pry ŭčynieńni DTZ z hibiellu ci ranieńniem ludziej u miescach, dzie nie praviedzieny zapłanavanyja raboty, materyjały pa ich buduć nakiroŭvacca ŭ orhany prakuratury dla razhladu pytańnia ab zaviadzieńni kryminalnych spraŭ za biaździejnaść słužbovych asob pradpryjemstvaŭ darožnaj haspadarki.