Naša meta za leta — pachudzieć ci prynamsi nie nabrać zališniaje vahi. Dobryja naviny: letniaja paravina — cudoŭnaja nahoda, kab rastreści zbytak kiłahramaŭ. Pa-pieršaje, uletku dadajucca śvietłyja hadziny, jakija spryjajuć vyłučeńniu sierataninu. Harmon sieratanin nie tolki palapšaje nastroj, ale i niščyć pačućcio hoładu. Nie zabudziemsia taksama na śpioku, jakaja źnieachvočvaje jeści, a taksama zaachvočvaje pierachodzić na lohkuju ježu.
1. Varta jeści harodninu. Bałazie ŭletku jaje šmat. Harodnina, akramia vitaminaŭ i minierałaŭ, pryvodzić da pačućcia nasyčanaści i zabiaśpiečvaje cieła nieabchodnymi vadkaściami. Na asnovie sadaviny možna budavać uvieś letni racyjon z dadatkam jajkaŭ/tunca/niatłustaha syru. U dadatak, u letni pieryjad ahurok, pałačku morkvy abo pamidorki «Šery» možna vykarystoŭvać u jakaści lohkaha pierakusona zamiest šakaładki ci piečyva.
2. Varta jeści sadavinu (ale nie pierabolšvać). Uletku źjaŭlajecca šmat sadaviny, bahataj vitaminami i minierałami. Razam z tym, lubaja sadavina, navat vadzianisty kavun, źmiaščajuć vialikuju kolkaść cukru. Varta abmiežavać pryjom sadaviny da 2-3 zachodaŭ na dzień (nie mienš, ale i nie bolš). Vyciskajučy sok z pładoŭ sadu, varta pamiatać, što taki sok maje takuju ž charčovuju kaštoŭnaść, jak i sadavina, jakaja pajšła na jaho. To bok šklanka apielsinavaha soku, vycisnutaja z 4 siarednich apielsinaŭ, davoli-taki kałaryjnaje pitvo. U dadatak, sok amal nie źmiaščaje vałoknaŭ, jakija dajuć arhanizmu pačućcio nasyčanaści.
Darečy, uletku časta zdarajecca tak, što my ciahniemsia pa sadavinu, bo chočam «aśviažyć rot». Heta prykmieta, što my saśmiahli, i tamu nie śled jeści zamiest taho kab pić.
3. Šviedski stoł — nie pryčyna dla pierajadańnia. Padčas pajezdak za miažu ŭ hateli, dzie stabilny rasparadak pryjomu ježy, varta ŭstrymacca ad vialikich i tłustych porcyjaŭ. Pažadana zadavolicca adnym na dzień pryjomam miasa abo ryby. Ich varta spažyć u azdobie śviežaj abo tušanaj harodniny. U dadatak, nikoli nie soramna zapytacca ŭ hatelnych kucharaŭ pra adsotak tłušču ŭ kožnaj porcyi, jaki praces hatoŭki prajšła kožnaja strava i da t.p.
4. Idealnyja ŭmovy dla sportu. Doŭhija śvietłyja hadziny i pryjaznyja pahodki varta napoŭnicu vykarystać dla zaniatkaŭ sportam. Treba pamiatać, što zaniatki bieham, chadźboju abo płavańniem pryniasuć žadany efiekt dla vašaha cieła tolki kali tyja zaniatki pradoŭžacca prynamsi paŭhadziny.
