Ministerstva sportu i turyzmu vystupiła ź inicyjatyvaj zrabić dla hramadzianaŭ susiednich dziaržaŭ ad 1 traŭnia da 1 vieraśnia biaspłatnyja vizy. Praŭda, takaja palohka budzie raspaŭsiudžvacca tolki na tych, chto jedzie da nas praz turystyčnuju kampaniju.
Aproč taho, jak raspavioŭ namieśnik ministra sportu i turyzmu Časłaŭ Šulha, planujecca, što z 1 traŭnia nastupnaha hodu košt haściničnych pasłuh dla biełarusaŭ i zamiežnikaŭ stanie adnolkavym. Voś tolki pakul nieviadoma, jakim čynam budzie adbyvacca vyraŭnoŭvańnie cenaŭ: ci to jany pavysiacca dla hramadzianaŭ Biełarusi, ci to źniziacca dla inšaziemcaŭ.
Zatoje ŭsie haścinicy, jaki pretendavaćmuć na pryjom zamiežnych haściej, buduć pavinnyja prajści abaviazkovuju sertyfikacyju i atrymać katehoryju. Vymohi vysokija. Naprykład, haścinica, jakaja pretenduje na «try zorki», budzie pavinnaja ŭ abaviazkovym paradku zabiaśpiečyć svaich klijentaŭ biespravadnym internetam i sotavaj suviaźziu.
